విజయవాడ: ఆదరణ-2 కార్యక్రమానికి సంబంధించిన బ్రోచర్, లోగోను ఏపీ ముఖ్యమంత్రి నారా చంద్రబాబునాయుడు విడుదల చేశారు. ఆయన సోమవారంనాడు స్థానిక ఇందిరాగాంధీ మున్సిపల్ స్డేడియంలో జరిగిన కార్యక్రమంలో మాట్లాడుతూ అవినీతికి ఆస్కారం లేకుండా లబ్ధిదారులను ఎంపికచేశామని అన్నారు.

నంద్యాల టౌన్, నవంబర్ 11: రాష్ట్రాన్ని విభజించిన కాంగ్రెస్‌తో టీడీపీ అధ్యక్షుడు చంద్రబాబునాయుడు పొత్తు పెట్టుకోవడం సిగ్గుచేటని భారతీయ జనతా పార్టీ జాతీయ మహిళామోర్చా ఇంచార్జి దగ్గుబాటి పురంధ్రీశ్వరి అన్నారు. కాంగ్రెస్, టీడీపీ ఒకే వేదికపై చేరాయంటే మరోసారి ద్రోహం చేయడానికే అని అన్నారు.

విజయవాడ (సిటీ), నవంబర్ 11: రాజ్యాంగాన్ని, ప్రజాధనాన్ని కాపాడాల్సిన బాధ్యత గవర్నర్ పైనే ఉందని భారతీయ జనతా పార్టీ రాజ్యసభ సభ్యుడు జీవీఎల్ నరసింహారావు అన్నారు. రాష్ట్రంలో ప్రభుత్వం పెద్దఎత్తున ప్రజాధనాన్ని దుర్వినియోగం చేస్తోందని, గవర్నర్ దీనిపై వెంటనే స్పందించాలని కోరారు. ఇదే సమయంలోప్రజాధనం దర్వినియోగంపై కోర్టుకు వెళ్లనున్నట్లు చెప్పారు.

తిరుపతి, నవంబర్ 11: కార్మిక వర్గానికి, దేశానికి తన ఒంటెత్తు పోకడలతో తీవ్ర నష్టం కలిగిస్తున్న ప్రధాని మోదీని దించి, దేశాన్ని కాపాడుకుందామని సీఐటీయూ జాతీయ ఉపాధ్యక్షుడు ఏకే పద్మనాభన్ కార్మికులకు పిలుపునిచ్చారు. సీఐటీయూ చిత్తూరు జిల్లా (తూర్పు) కమిటీ ఆధ్వర్యంలో ఆదివారం తిరుపతిలో ‘ఉద్యోగ, కార్మిక హక్కులపై ప్రభుత్వాల దాడి-కర్తవ్యం’ అనే అంశంపై సదస్సు జరిగింది.