అమరావతి, నవంబర్ 12: ప్రకృతి వ్యవసాయం, రాష్ట్రంలో పంటల సాగు తదితర అంశాలపై ప్రపంచ దేశాలు ఆసక్తికరంగా ఉన్నాయని ముఖ్యమంత్రి చంద్రబాబునాయుడు తెలిపారు. జీరో బడ్జెట్ నేచురల్ ఫార్మింగ్‌ను ఆధ్యయనం చేసేందుకు త్వరలో ఇండోనేషియా మంత్రి రాష్ట్రంలో పర్యటించనున్నట్లు చెప్పారు. బంగాళాఖాతంలో తుపాను కదలికలను ముందుగా గుర్తించి ప్రజలను అప్రమత్తం చేయాలని అధికార యంత్రాంగాన్ని ఆదేశించారు.

విజయనగరం, నవంబర్ 12: పెట్టుబడిలేని ప్రకృతి వ్యవసాయం ద్వారా రైతులకు ఎంతోమేలు కలుగుతుందని జిల్లా కలెక్టర్ హరి జవహర్‌లాల్ అన్నారు. విదేశాలకు వెళ్లిన జిల్లా కలెక్టర్ సోమవారం పారిస్‌లోని పీస్ ఫోరంలో పాల్గొన్న 116 దేశాల ప్రతినిధుల గ్రూపు డిస్కషన్ సమావేశంలో మాట్లాడుతూ సమాజంలో ప్రకృతి వ్యవసాయం ఒక్కటే ఆరోగ్యకరమైన వాతావరణాన్ని అందిస్తుందన్నారు.

నర్సీపట్నం(విశాఖ), నవంబర్ 12: ప్రతిపక్ష నేత వైఎస్ జగన్మోహన్‌రెడ్డిపై జరిగిన దాడి ఘటనపై ప్రభుత్వం ఏ విచారణకైనా సిద్ధంగా ఉందని రాష్ట్ర రోడ్లు, భవనాల శాఖా మంత్రి చింతకాయల అయ్యన్నపాత్రుడు స్పష్టం చేసారు. ఈకేసును టీడీపీ ప్రభుత్వం నీరుకార్చుతోందని జగన్ తల్లి వైఎస్ విజయమ్మ ఆరోపించడం సరికాదన్నారు.

విజయనగరం, నవంబర్ 12: రాష్ట్ర విభజన తరువాత రాష్ట్రం అప్పుల ఊబిలో ఉన్నప్పటికీ అభివృద్ధి, సంక్షేమ పథకాల అమల్లో మాత్రం ముందంజలో ఉందని భూగర్భ గనుల శాఖ మంత్రి సుజయ్‌కృష్ణ రంగారావు అన్నారు. సోమవారం సాయంత్రం ఇక్కడ అయోధ్య మైదానంలో ఏర్పాటుచేసిన మెగా గ్రౌండింగ్ మేళాకు ఆయన ముఖ్య అతిథిగా పాల్గొన్నారు. రాష్ట్ర వ్యాప్తంగా మెగా మేళాల ద్వారా 8 లక్షల మందికి సుమారు రూ.4కోట్ల ఆస్తులను పంపిణీ చేశామని తెలిపారు.