న్యూఢిల్లీ, జనవరి 27: దేశీయ ఉత్పత్తులకు మరింత ఊతాన్నించే లక్ష్యంతో ఫర్నిచర్ దిగుమతులపై కేంద్ర ప్రభుత్వం ఆంక్షలు విధించే అవకాశం కనిపిస్తోంది. ఈమేరకు అంతర్గత వాణిజ్యం పరిశ్రమల అభివృద్ధి విభాగం కేంద్ర ప్రభుత్వానికి సూచించినట్టుగా చెబుతున్నారు. ఇందుకు సంబంధించి త్వరలోనే విదేశీ వాణిజ్య డైరెక్టరేట్ ఓ నోటిఫికేషన్‌ను జారీ చేసే అవకాశం కూడా కనిపిస్తోంది.

విశాఖపట్నం, జనవరి 27: అనేక రకాల ఆర్థిక సమస్యలతో నడుస్తున్న ఆక్వా రైతులకు విద్యుత్ చార్జీల చెల్లింపులో కాస్తంత వెసులుబాటు లభించనుంది. ఆక్వా రైతులను ఆదుకునేందుకు వీలుగా వీరి నుంచి వసూలు చేసే యూనిట్ విద్యుత్ చార్జీలు రెండు రూపాయల నుంచి ఒక రూపాయి 50 పైసలకు తగ్గించింది. దీంతో ప్రతి యూనిట్‌కు 50 పైసలు వంతున తగ్గించినట్టు అయ్యింది.

ముంబయి, జనవరి 26: పేదలకు పది రూపాయలకే భోజనం అందించే అపూర్వమైన పథకాన్ని మహారాష్ట్ర ప్రభుత్వం ప్రారంభించింది. ‘శివ్ భోజన్’ పేరిట ఈ పథకాన్ని ఆదివారం గణతంత్ర దినోత్సవం సందర్భంగా ఆరంభించింది. శివ్ భోజన్ మధ్యాహ్న భోజన పథకాన్ని మహారాష్ట్ర మంత్రి అస్లామ్ షేక్ రద్దీ ఎక్కువగా ఉండే నాయిర్ ఆసుపత్రి వద్ద ప్రారంభించారు.

న్యూఢిల్లీ, జనవరి 26: వాహన ఎల్‌పీజీపై వస్తు సేవల పన్ను (జీఎస్టీ)ని తగ్గించాలని ‘అఖిల భారత ఆటోఎల్‌పీజీ సంఘాల సంకీర్ణం’ (ఐఏసీ) ఆదివారం నాడిక్కడ కేంద్ర ప్రభుత్వానికి విజ్ఞప్తి చేసింది. అలాగే వాహనాలను గ్యాస్ ఆధారితంగా మార్చుకునేందుకు వినియోగించే పరికరాల పైనా పన్ను శాతాన్ని తగ్గించాలని, తద్వారా దేశంలో పరిశుద్ధమైన ఇంధన వాడకానికి చేయూతనివ్వాలని కోరింది.