న్యూఢిల్లీ, జనవరి 19: దేశంలోని ప్రముఖ తనఖా రుణ సంస్థల్లో ఒకటైన హెచ్‌డిఎఫ్‌సి లిమిటెడ్ తమ రుణాలపై వడ్డీ రేటును 0.15 శాతం తగ్గించింది. ప్రస్తుతమున్న ఖాతాదారులకు వర్తించే ఈ వడ్డీ రేటు తగ్గింపు గురువారం నుంచే అమల్లోకి వస్తుందని హెచ్‌డిఎఫ్‌సి లిమిటెడ్ ఒక ప్రకటనలో స్పష్టం చేసింది. తగ్గించిన రుణ వడ్డీ రేటు ప్రవాస భారతీయులతో పాటు పిఐఓ కార్డులు కలిగి ఉన్నవారికి కూడా వర్తిస్తుందని ఆ సంస్థ పేర్కొంది.

దావోస్, జనవరి 18: ప్రపంచ ఆర్థిక వ్యవస్థ వృద్ధిలో దక్షిణాసియా దేశాలు కీలకపాత్ర పోషించనున్నాయని కేంద్ర వాణిజ్య, పరిశ్రమల శాఖ మంత్రి నిర్మలా సీతారామన్ అన్నారు. ఇక్కడ జరుగుతున్న ప్రపంచ ఆర్థిక సదస్సు (డబ్ల్యుఇఎఫ్)లో పాల్గొన్న ఆమె బుధవారం మాట్లాడుతూ బలమైన ఆర్థిక వృద్ధిరేటు, గణనీయంగా పెరుగుతున్న కొనుగోళ్ల సామర్థ్యంతో దక్షిణాసియా దేశాలు.. ప్రపంచ ఆర్థిక వ్యవస్థకు చోదక శక్తిగా మారనున్నాయన్నారు.

విజయవాడ, జనవరి 18: ఉల్లి రైతులు నష్టాలబారినపడ్డారు. గిట్టు బాటు ధరలేక కుదేలైపోయారు. కృష్టా జిల్లా పెనుమాక, ఉండవల్లి ప్రాంతాల్లోని ఉల్లి రైతులు ఈ ఏడాది నష్టాలను చవిచూస్తుండగా, పెరిగిన పెట్టుబడులు, సరైన ధర లేక ఆర్థిక ఇబ్బందుల్లో చిక్కుకుంటున్నారు. అమరావతి రాజధాని పరిధిలో భూ సమీకరణకు ప్రతిపాదించిన గ్రామాలైన పెనుమాక, ఉండవల్లి ప్రాంతాల్లో దాదాపు 1.000 ఎకరాల్లో ఉల్లి పంట పండిస్తున్నారు.

హైదరాబాద్, జనవరి 18: తెలంగాణలో పర్యాటక ప్రాంతాలను గుర్తించి వాటి అభివృద్ధికి ప్రభుత్వం ప్రత్యేక చర్యలు తీసుకుంటోందని రాష్ట్ర పర్యాటకరంగ అభివృద్ధి కార్పొరేషన్ (టిఎస్‌టిడిసి) చైర్మన్ పేర్వారం రాములు అన్నారు. బుధవారం సోమాజిగూడలోని పర్యాటక భవన్‌లో ఇటీవల సోషల్ మీడియా ఫోరం బృందం చేసిన పరిశోధన యాత్ర వివరాలను వెల్లడించారు.