విజయవాడ, నవంబర్ 4: నైపుణ్యాభివృద్ధి శిక్షణ కార్యక్రమాన్ని పేరు కోసం కాకుండా ఫలితాలు కనిపించేలా నిర్వహించాలని ఆంధ్రప్రదేశ్ ముఖ్యమంత్రి చంద్రబాబు నాయుడు అధికారులను ఆదేశించారు. శుక్రవారం తన నివాసంలో నైపుణ్యాభివృద్ధి కార్యక్రమం పురోగతిపై జరిపిన సమీక్షలో ఈ మేరకు పలు సూచనలు చేశారు.

హైదరాబాద్, నవంబర్ 4: భారత పాడి పరిశ్రమకు బంగారు భవిష్యత్తు ఉందని, సాలీనా 4 శాతం వృద్ధిరేటు నమోదు చేస్తూ దూసుకుపోతున్నట్లు నేషనల్ డెయిరీ డెవలప్‌మెంట్ సంస్థ చైర్మన్ దిలీప్ రథ్ శుక్రవారం తెలిపారు. ఇటీవల నెదర్లాండ్స్‌లో జరిగిన ప్రపంచ డెయిరీ ఫోరంలో భారత పాడి పరిశ్రమ అభివృద్ధికి చేసిన ప్రతిపాదనలకు ఆమోదం లభించిందన్నారు.

హైదరాబాద్, నవంబర్ 4: సులువుగా వాణిజ్యం చేసేందుకు అనువైన రాష్ట్రాల జాబితాలో ఆంధ్రప్రదేశ్‌కు అగ్రస్థానం లభించడంపట్ల ఫిక్కీ ఆంధ్రప్రదేశ్ చైర్మన్ ఎం ప్రభాకర్‌రావు హర్షం శుక్రవారం వ్యక్తం చేశారు. ప్రపంచ బ్యాంక్ ఈ జాబితాను రూపొందించగా, పారిశ్రామిక విధాన, ప్రోత్సాహక శాఖ (డిఐపిపి) దీన్ని ఇటీవల విడుదల చేసినది తెలిసిందే. గత ఏడాదిన్నర కాలంలో ఆంధ్రలో పరిశ్రమల స్థాపనకు 11,000 ప్రతిపాదనలు వచ్చాయన్నారు.

న్యూఢిల్లీ, నవంబర్ 3: కేంద్ర ప్రభుత్వం ఈ నెల నుంచి ఆహార భద్రతా చట్టాన్ని దేశమంతటికీ విస్తరించి 80 కోట్ల మంది ప్రజలకు అధిక సబ్సిడీపై బియ్యం, గోధుమలను అందజేయనుంది. ఇందుకోసం సంవత్సరానికి భారీ మొత్తంలో 1.4 లక్షల కోట్ల రూపాయలను వెచ్చించనుంది. 2013లో పార్లమెంట్ ఆమోదించిన ఆహార భద్రతా చట్టాన్ని తమిళనాడు, కేరళ మినహా మిగిలిని అన్ని రాష్ట్రాలు, కేంద్ర పాలిత ప్రాంతాలు అమలు చేస్తున్న విషయం విదితమే.