కేంద్ర ప్రభుత్వం తమ ఉద్యోగులకు కరవుభత్యం పెంచిన ప్రతిసారీ రాష్ట్ర ప్రభుత్వం కూడ తమ ఉద్యోగులకు, లక్షలాది మంది పెన్షనర్లకు కూడ దాన్ని పెంచే ఆనవాయితీ కొనసాగుతూ వున్నది. గత ప్రభుత్వం పదకొండవ వేతన సవరణ సంఘం (పీఆర్‌సీ) అమలులోకి వచ్చేదాక తాత్కాలిక భృతిని 20 శాతంగా ప్రకటించి, ఆ మేరకు జీతాలు, పెన్షన్లు ఇచ్చారు. జనవరి 2018కి సంబంధించి డీఏ సైతం ఇచ్చారు. జూలై 2018 నుంచి ఇవ్వవలసిన డీఏ ఆగిపోయింది.

‘ప్రపంచ ఆకలి సూచీ’ ప్రకారం మన దేశం 112 దేశాల్లో 102వ స్థానంలో ఉంది. పిల్లల ఎదుగుదల, పౌష్టికాహార లభ్యత, శిశుమరణాల రేటు ప్రాతిపదికన ఈ ర్యాంకింగ్‌లను ఏటా ఇస్తున్నారు. ఐదేళ్ల లోపు బాలలు వయసుకుతగ్గ బరువు లేకపోవడం, వయసుకు తగ్గ ఎత్తుకి ఎదగక పోవడం లాంటి సమస్యలు తీవ్రంగా ఉన్నాయి. ఐక్యరాజ్యసమితి గణాంకాల ప్రకారం కూడా మన దేశంలో బాలల ఆరోగ్యం తీసికట్టుగానే ఉంది.

లాంచీలను పరిశీలించకుండా పర్యాటక శాఖ అధికారులు అనుమతులు ఇవ్వడంతో నదుల్లో ప్రమాదాలు సంభవిస్తున్నాయి. వరద హెచ్చరికలను లెక్కచేయకుండా ధనార్జనే ధ్యేయంతో లాంచీలను నడపటంతో ఇటీవల పాపికొండల యాత్రలో ఘోర ప్రమాదం జరిగింది. ఎప్పుడూ వెళ్ళే దారిలో కాకుండా వేరే మార్గంలో గోదావరిలో బోటు నడపడం వల్ల ఈ తరహా ప్రమాదాలు జరుగుతున్నాయి.

‘వరల్డ్ ఫెడరేషన్ ఫర్ మెంటల్ హెల్త్’ సంస్థ తొలిసారిగా 1992 అక్టోబర్ 10వ తేదీన ‘ప్రపంచ మానసిక ఆరోగ్య దినం’ నిర్వహించింది. 1994 నుండి ప్రతి సంవత్సరం మానసిక ఆరోగ్య పరిరక్షణ ఉద్యమంలో భాగంగా ఒక్కొక్క అంశాన్ని లక్ష్యంగా ప్రకటిస్తున్నారు. మన ఆలోచనలు, ఆచరణలు అన్ని మెదడుపైనే ఆధారపడి వుంటాయి. మెదడు గనుక లేకుంటే ఇంజన్ లేని రైలులా, దారం లేని గాలిపటంలా మానవ శరీరం ఉంటుంది.