S ,7 à 8 RSCA (si SASPAS) et 6 cialis pharmacie cialis rapports de stage.

ఉత్తరాయణం

01/15/2020 - 04:22

కుల రిజర్వేషన్లు ఫలితంగా భారతదేశంలో ఎంతోమంది తెలివైన మేధావులు వారియొక్క శక్తియుక్తులు మనం వినియోగించుకోక పోవడంతో, విదేశాలకు ఉపయోగపడటంతో అవి అగ్ర రాజ్యాలుగా తయారయ్యాయి. అగ్రవర్ణాలలో చదువుకున్న అనేకమంది నూటికి నూరుమార్కులు సాధించినా వారికి సరైన ఉపాధి లేదు. అత్తెసరు మార్కులతో ఉత్తీర్ణులైన వారికి కులం ఆధారంగా ఉన్నత ఉద్యోగాలు లభిస్తున్నాయి.

01/12/2020 - 05:21

ఇటీవల కాలంలో అక్రమ రవాణా సమస్య నానాటికీ తీవ్రరూపం దాల్చడం పట్ల సర్వోన్నత న్యాయస్థానం కేంద్ర ప్రభుత్వానికి నోటీసులు జారీచెయ్యడం ముదావహం. మనుష్యులను సరుకుల మాదిరిగా మానవత్వం మరిచి ఇష్టారాజ్యంగా రవాణాచేస్తుంటే ప్రభుత్వాలు ఏం చేస్తున్నాయని సర్వోన్నత న్యాయస్థానం సూటిగా ప్రశ్నించడం ప్రభుత్వాల నిర్లక్ష్యవైఖరికి నిదర్శనం.

01/10/2020 - 01:42

ఓ వైపు ప్రభుత్వ ఉద్యోగం వచ్చిందన్న సంతోషం... మరోవైపు మూడు నెలలు దాటినా జీతాలు లేకపోవడంతో నిరుత్సాహం.. ఇదీ రాష్ట్రంలోని లక్షలాది మంది గ్రామ, వార్డు సచివాలయ ఉద్యోగుల దీనస్థితి. రాష్ట్ర ముఖ్యమంత్రి వైఎస్.జగన్మోహన్‌రెడ్డి మానస పుత్రిక సచివాలయం వ్యవస్థ. ప్రభుత్వ సంక్షేమ పథకాలను ప్రతి పేదవాడి ముంగిటకే చేర్చాలన్న సదుద్దేశంతో ఏర్పాటైనవే గ్రామ, వార్డు సచివాలయాలు.

01/09/2020 - 01:57

ఎట్టకేలకు ఎనిమిది సంవత్సరాల తరువాత ఢిల్లీలోని ప్రత్యేక కోర్టు నిర్భయను అత్యంత దారుణంగా అత్యాచారం జరిపి, హత్యచేసిన నలుగురు మానవత్వం మరచిన క్రూర మృగాలకు ఉరిశిక్ష విధించడం ఎంతైనా హర్షణీయం. ఒక విధంగా చెప్పాలంటే స్వతంత్ర భారతదేశ చరిత్రలో మొట్టమొదటిసారి ఓ నలుగురు దోషులకు ఉరిశిక్ష పడటం అనేది ఒక చారిత్రాత్మక, సంచలనాత్మక విషయం.

01/08/2020 - 23:03

పౌరసత్వ చట్టంపై ఆందోళనలు ఇంకా కొనసాగటం మంచిది కాదు. ఒకవైపు కేంద్ర ప్రభుత్వమేకాక ఢిల్లీ జుమామసీదు ఇమామ్ శ్రీ బుఖారీ, అజ్మీర్ దర్గా వంటి ఎందరో ముస్లిం మత పెద్దలు మన దేశ ముస్లింలకు నష్టంలేదని స్పష్టం చేశారు. అత్యధిక ప్రజానీకం కూడ సమర్ధిస్తుంది.

01/08/2020 - 02:43

గత ఐదు నెలలకాలంలో గ్యాస్ పంపిణీ సంస్థలు సబ్సిడీ రహిత వంట గ్యాస్ సిలిండర్ ధరను రూ. 150 వరకు పెంచాయి. సబ్సిడీ లేని గ్యాస్‌ను వాడే వారిలో సంపన్న వర్గాలేగాక సామాన్యులెందరో వున్నారు. గతంలో ప్రధాని మోదీ పర్యావరణ పరిరక్షణలో భాగంగా పేదలకు చౌకగా వంట గ్యాస్ అందించటానికి, స్థితిపరులు సబ్సిడీని వదులుకోవాలని కోరితే, సామాన్యులు సైతం సబ్సిడీని వదులుకున్నారు. చిరువ్యాపారులకూ గ్యాస్ వాడకం అధికమే.

01/02/2020 - 01:03

ఈ మధ్య బెంగుళూరులో ఉన్న మా అమ్మాయి తన కొడుకుతో కలిసి రు.10వేల టిక్కెట్లు కొని దర్శనమునకు తిరుమల వెడితే, రూపాయి ఖర్చు పెట్టని ఒక నేత మరియు 10 మందిని వీరితో పంపించారు. వీరికి సరిఅయిన దర్శనము లభించలేదు. 10వేల రూపాయలు పోసి కొన్నవారికి అల్పదర్శనం, ఫ్రీగా వచ్చిన వారికి పెద్దపీటా? ఇదెక్కడి న్యాయం. అసలు ఈ ప్రముఖులు అన్నవాళ్ళు తిరుమల వస్తే పేపరువారు, టీ.వీల వారు ఎందుకింత ప్రాముఖ్యం ఇస్తారు.

01/01/2020 - 02:04

ఈ సంవత్సరం ఆద్యంతం భారతీయ ఓటరు ఇచ్చిన ప్రతి తీర్పులోను ఓ ప్రజాస్వామ్య పాఠం వుంది. అలాగే అప్రజాస్వామ్య శక్తులకు ఒక మంచి గుణపాఠమే చెప్పి ఓటరా మజాకా అనేలా చేసారు. అయిటే ఓటరు దేవుడు ఒక మంచి సందేశాన్ని ఈ సందర్భంగా ఇచ్చాడు. ‘పదవులు శాశ్వతం కాదు, ప్రోటోకాల్ భాజాభజంత్రీలు శాశ్వతం కాదు, గెలుపు ఓటములు శాశ్వతం కాదు, కాని మన దేశం శాశ్వతం, ఓటరుగా నేను శాశ్వతం’.

12/29/2019 - 02:14

విలాసం అనగా చిరునామా. ఆంధ్రుల రాజధాని విలాసమేమిటో ఇంకా సందిగ్ధంలోనే ఉంది. రాజధాని స్థానంలో బహువచనం వాడాల్సి రావొచ్చు.. రాజధానులంటూ. ఆంధ్రప్రదేశ్ అభివృద్ధి సూచనలకై ఏర్పాటుచేసిన జీ.ఎన్.రావు కమిటీ తన నివేదికను ప్రభుత్వానికి సమర్పించింది. ఆ నివేదికలో అంశాలు, వివిధ పత్రికలు రిపోర్ట్ చేసినవి. స్థూలంగా చూస్తే శ్రీకృష్ణ కమిటీ రిపోర్ట్‌ని పోలి వున్నాయి. శ్రీకృష్ణ కమిటీ సూచనల్ని బలపర్చేవిగా ఉన్నాయి.

12/26/2019 - 04:39

మూడు రాజధానుల ముచ్చటైన రాష్ట్రంగా ఆంధ్రప్రదేశ్‌ని చూడాలనుకొంటున్నారు గౌరవ ముఖ్యమంత్రి. ఒక వినూత్నమైన ఆలోచన. ఆంధ్ర మహావిష్ణువు పాలనలో మన రాష్ట్రం ఒకప్పుడు మూడువైపులా మూడు శైవక్షేత్రాల (లింగాల) నడుమ రాజ్యంగా విస్తరించి త్రిలింగ రాజ్యంగా పేరొందింది. కోస్తాలో ద్రాక్షారామం, సీమలో శ్రీశైలం, ప్రస్తుత తెలంగాణాలో కాళేశ్వరం అవి.

Pages