S ,7 à 8 RSCA (si SASPAS) et 6 cialis pharmacie cialis rapports de stage.

ఉత్తరాయణం

08/03/2018 - 00:20

సుప్రీం కోర్టు సిఫార్సుల నేపథ్యంలో పదును కోల్పోయిన ఎస్సీ,ఎస్టీ అత్యాచార నిరోధక చట్టంలో నిబంధనల్ని పునరుద్ధరిస్తూ సవరణ బిల్లు పెట్టాలని కేంద్ర మంత్రివర్గం నిర్ణయించడం హర్షణీయం. సకాలంలో తీసుకున్న సరైన నిర్ణయం ఇది. అత్యాచార చట్టం దుర్వినియోగం అవుతుందన్న సాకుతో నిందితునికి బెయిల్ ఇచ్చే అవకాశం కల్పించడంపై అధికారుల అనుమతి వచ్చేవరకూ కేసు నమోదు చెయ్యరాదనడం ఈ చట్టం స్ఫూర్తిని, ఉద్దేశాన్ని నీరుగార్చేవే.

07/31/2018 - 23:55

అస్సాంలో భారత ప్రభుత్వం చేపట్టిన జాతీయ పౌరుల గుర్తింపు జాబితా ముసాయిదాలో నలభై లక్షల మంది పేర్లులేకపోవడం పెద్ద సమస్యే. అస్సాంలో అసలు పౌరసత్వం ఉన్న స్థానికులకన్నా వచ్చి చేరిన జనాభా అధికంగా మారడంతో కొన్ని దశాబ్దాలుగా ఆందోళన నెలకొంది. బంగ్లాదేశ్ ఏర్పాటు సమయంలో లక్షలాది మంది అక్కడినుండి వలసవచ్చి చేరారు.

07/30/2018 - 23:44

ప్రపంచ బ్యాంకు తాజా నివేదిక ప్రకారం ఆర్థిక దిగ్గజం అయిన ఫ్రాన్స్‌ను వెనక్కినెట్టి ప్రపంచంలో ఆరవ అతి పెద్ద ఆర్థిక వ్యవస్థగా భారత్ అవతరించిందన్న వార్త గత నాలుగేళ్ళుగా ప్రధాని నరేంద్ర మోదీ నేతృత్వంలోని కేంద్ర ప్రభుత్వం చిత్తశుద్ధితో చేస్తున్న కృషికి లభించిన విజయంగా అభివర్ణించవచ్చు.

07/28/2018 - 23:34

క్రమశిక్షణ లేని జాతి ‘పునాది లేని భవనం’ వంటిది. ఎంత ఎత్తు భవనమైనా పునాది గట్టిగా లేకపోతే పేకమేడలా కూలుతుంది. మన దేశం రెండంకెల వృద్ధిరేటుతో, సెనె్సక్స్‌లో పరుగులు తీసినా ప్రజల్లో క్రమశిక్షణ లోపిస్తే అంతా అరాచకమే. మన నేతలు నిత్యం స్మరించే సింగపూర్, చైనా వంటి దేశాలు కఠోర క్రమశిక్షణతోనే ఈ స్థాయికి చేరాయి. గతంలో పేద దేశమైనా ఘనమైన సంస్కృతి, సంప్రదాయాలతో భారత్ ప్రశాంతంగానే వుండేది.

07/27/2018 - 21:59

‘దేశభాషలందు తెలుగు లెస్స’ అని అలనాడు శ్రీకృష్ణదేవరాయలు తెలుగు భాషా సంస్కృతీ వైభవాలను కొనియాడారు. ప్రపంచ భాషలలో తెలుగు అనేక అద్భుతాలను ప్రోది చేసుకున్న భాషగా, ‘ఇటాలియన్ ఆఫ్ ది ఈస్ట్’గా ఎందరో ఏనాడో ఒప్పుకున్నారన్నది జగమెరిగిన సత్యం. అలాంటి మధురమైన, అద్భుతమైన భాషను తెలుగువాళ్ళే భ్రష్టుపట్టిస్తున్నారన్నది ఎంతో బాధ కలిగించే విషయం.

07/26/2018 - 00:09

ప్రతిపాదిత సమాచార హక్కు సవరణ బిల్లుని రాజ్యసభలో ప్రవేశపెట్టకుండా ప్రభుత్వం పునరాలోచనలో పడడం అభినందనీయం. అయితే, ఆ తరహా బిల్లు సందు చూసుకొని ఏ క్షణమైనా సభలో ప్రవేశం పొందవచ్చు. ఎందుకంటే అన్ని పక్షాలదీ సమాచార హక్కుపై ఒకే తీరు. ప్రజలకు సమాచారం ఏ విధంగానైతే బలమో, ప్రభుత్వానికి రహస్యం ఆ విధంగా బలం.

07/23/2018 - 23:13

ప్రభుత్వ ఉద్యోగులకు మధ్యంతర భృతిని జూన్ 2 నుంచి అమలుచేస్తామని ప్రకటించిన తెలంగాణ సీఎం కేసీఆర్ మాట మార్చారు. ఐదేళ్లకోసారి వేతన సవరణ చేసి ప్రభుత్వ ఉద్యోగుల మూల వేతనాలను సవరిస్తున్నారు. ప్రతిసారీ వేతన సవరణ ప్రక్రియ ప్రారంభమై- రెండేళ్ళ తర్వాత గానీ వేతనాల స్థిరీకరణ పూర్తికావటం లేదు. వేతన సవరణ సంఘం సిఫార్సులతో నివేదిక సమర్పించాక, ఉద్యోగ సంఘాలతో చర్చలు జరిగి, మార్పులు చేర్పులతో ప్రభుత్వామోదం పొందాలి.

07/19/2018 - 23:03

లోక్‌సభలో ఎట్టకేలకు తేదేపా, ఇతర విపక్షాలు ప్రవేశపెట్టిన అవిశ్వాస తీర్మానం చర్చకు రాబోతోంది. ముందుగా ఈ తీర్మానం ప్రతిపాదించిన తెలుగుదేశం చర్చకు నాయకత్వం వహించే అవకాశం పొందడం ఆ పార్టీ అదృష్టం. గతంలో బడ్జెట్ సమావేశాల్లో ముందుండి తీర్మానాలు ప్రతిపాదించిన వైకాపా ఈసారి చర్చల్లో పాల్గొనలేకపోతోంది- ప్రత్యేక హోదాపై ఆ సభ్యులు చేసిన రాజీనామాల కారణంగా.

07/18/2018 - 22:39

ఆంధ్రప్రదేశ్ ప్రభుత్వం నిరుద్యోగుల జీవితాలతో ఆటలాడుకుంటోంది. వారిని చిన్నచూపు చూస్తోంది. ఫలితంగా నిరుద్యోగంతో యువత నిరాశకు గురవుతోంది. ఇప్పటివరకు ఉద్యోగాల కోసం వేయి కళ్ళతో ఎదురుచూసినా ఫలితం లేకపోవడంతో యువత పరిస్థితి అగమ్యగోచరంగా మారింది. అసహనంతో నిరుద్యోగులు ఉద్యమబాట పట్టాల్సిన దుస్థితి దాపురించింది. నిరుద్యోగ సమస్యను పరిష్కరించేందుకు రాష్ట్ర ప్రభుత్వం తగిన రీతిలో కృషి చేయడం లేదు.

07/17/2018 - 22:38

సంప్రదాయాలు, ప్రజల మనోభావాల పేరిట కోడి పందేలు, పొట్టేలు పోటీలు, జల్లికట్లు వంటి అనాగరిక క్రీడలను అనుమతించడం ప్రభుత్వాలకు పరిపాటైంది. ఇప్పుడు గాంబ్లింగ్, బెట్టింగ్‌లను చట్టబద్ధం చేయాలంటూ లా కమిషన్ సిఫార్సులు చేయడం దిగ్భ్రాంతి కలిగిస్తోంది.

Pages