ప్రతి సంవత్సరం చైత్రమాసంలో శుక్లపక్షంలో సూర్యోదయ సమయంలో పాడ్యమి తిథి ఏ రోజు ఉంటుందో ఆ రోజే ఈ ఉగాది పర్వదినం. అందుకని అనాదిగా వస్తున్న ఈ యుగాది రాను రాను ఉగాది పండుగగా మారింది. శాలివాహన చక్రవర్తి (క్రీ.శే.79) ఈ సంవత్సరాదినాడే పట్ట్భాషిక్తుడయ్యాడని చెబుతారు. ఆ కారణంగా ఈ యుగాన్ని శాలివాహన శకంగా పేర్కొన్నారు.

రామాయణానికి నాయకుడు శ్రీరామచంద్రుడైతే సుందరకాండకు నాయకుడు ఆంజనేయస్వామి. రాములవారిని వర్ణించే శ్లోకాలలో కూడ మారుతికి ప్రాధాన్యం ఉన్నది. ‘రామం భజే శ్యామలం’ అనే శ్లోకంలో ‘వామే............. హనుమాన్’ అని చెప్పడంతో సీతామాత తర్వాత రాములవారికి విశేష ప్రీతిపాత్రుడు. అంజనీసుతుడే అని వేరే చెప్పనవసరం లేదు.

ఇహ, పర, లోక జీవన సౌఖ్యాలను గురించి విశే్లషణ చేయాలంటే అందుకు తగిన ఏకాగ్రత కావాలి. విశే్లషణలో హేతుబద్ధత వుండాలి. వివేచన, లోతైన ఆలోచన, ఏకాగ్రత- ఈ మూడూ కలిస్తే అది తపస్సు అవుతుంది. విశిష్ట్భక్తులు, నిస్వార్థపరులు, విశ్వమానవ హితాభిలాషులు అయిన ఋషులు చేసే తపస్సు అలాంటిదే. ఎంతో దీక్షాదక్షులయిన మహాఋషులు చేసే తపస్సు, పరిశోధనలు, అన్నీ సర్వమానవ హితం కోసమే చేశారు.

కోరికలు మానవ సహజం. కొన్నిసార్లు మన తాహతుకు మించి కోరికలు మరికొన్నిసార్లు ఇరుగుపొరుగు వారితో పోల్చుకుని పుట్టగొడుగుల్లా పుట్టే కోర్కెలను తీర్చుకోవడానికి ఆరాటపడి ఆయాసపడుతు వుండడం సాధారణం. ఈ సాధనలో చాలామంది జాతకాలు, శాంతులు, దోషాలు నివారణలు అంటూ దేవులాడడం సహజాతి సహజంగా ప్రతిచోటా కనిపిస్తుంది.