S ,7 à 8 RSCA (si SASPAS) et 6 cialis pharmacie cialis rapports de stage.
నేర్చుకుందాం
ఉ.రామ హరే కకుత్థ్సకుల రామ హరే రఘురామ రామ శ్రీ
రామ హరే యటంచు మది రంజిల భేకగళంబులీల నీ
నామము సంస్మరించినజనంబు భవంబెడబాసి తత్పరం
ధామనివాసులౌదురఁట దాశరథీ కరుణాపయోనిధీ.
భావం: ఓ దశరథరామా, రామ, హరే, కాకుత్థ్సరామా, రఘురామా, శ్రీరామా, హరే అనేవి నీ పేర్లు. ఈ నీ నామములను మానవులు కప్పగొంతువలె మాటిమాటికి తలంచువారు ఇంక జన్మములు ఎత్తే అవస్థను దాటి పరమపదమందు నివసిస్తారట గదా.
ఉ.‘రా’ కలుషంబులెల్ల బయలంబడఁద్రోచిన, ‘మా’ కవాటమై
దీకొని బ్రోచు నిక్కమది ధీయుతులైనఁ దదీయవర్ణముల్
గైకొని భక్తిచే నుడువఁ గానరుగాక విపత్పరంపరల్
దాకొనునే జగజ్జనుల దాశరథీ కరుణాపయోనిధీ.
దాశరథి శతకం
*
ఉ.చక్కెరమాని వేము దినఁజాలినకైవడి, మానవాధముల్
పెక్కురు బక్కదైవముల వేమరు గొల్చెదరట్లకాదయా
మ్రొక్కిన నీకు మ్రొక్కవలె; మోక్షమొసంగిన నీవ రుూవలెన్
దక్కినమాటలేమిటికి, దాశరథీ కరుణాపయోనిధీ.
*
ఉ.రాముఁడు ఘోరపాతకవిరాముఁడు, సద్గుణకల్పవల్లికా
రాముఁడు, షడ్వికారజయరాముఁడు, సాధుజనావనవ్రతో
ద్దాముఁడు, రాముఁడే పరమదైవము మాకని మీయడుంగుఁగెం
దామరలే భజించెదను, దాశరథీ కరుణాపయోనిధీ.
దాశరథి శతకం
*
ఉ.కొంజక తర్కవాదమను గుద్దలిచేఁ బరతత్త్వభూస్థలిన్
రంజిలఁద్రవ్వి కన్గొననిరామనిధానము, నేఁడు భక్తి సి
ద్ధాంజనమందు హస్తగతమయ్యె ‘్భళీ’ యనఁగా మదీయ హృ
త్కంజమునన్ వసింపుమిఁక దాశరథీ కరుణాపయోనిధీ.
*
చ.హలికునకున్ హలాగ్రమున వర్థము చేకురుభంగి, దప్పిచే
నలమట జెందువానికి సురాపగలో జలమబ్బినట్లు, దు
ర్మలినమనోవికారినగు మర్త్యుని నన్నొడగూర్చి నీపయిన్
దలపు ఘటింపజేసితివి దాశరథీ కరుణాపయోనిధీ.
ఉ.కంటి నదీతటంబుఁ బొడగంటిని భద్రనగాధివాసమున్
గంటి నిలాతనూజ నురుకార్ముకమార్గణశంఖచక్రముల్
గంటిని మిమ్ము లక్ష్మణుని గంటి, కృతార్థుఁడనైతి, నో జగ
త్కంటకదైత్యనిర్దళన! దాశరథీ కరుణాపయోనిధీ!
ఉ.శ్రీరమ సీతగాఁగ నిజసేవకబృందము వీరవైష్ణవా
చార జనంబుగాఁగ విరజానదిగౌతమిగా వికుంఠము
న్నారయ భద్రశైల శిఖరాగ్రముగాఁగ, వసించుచేనో
ద్ధారకుఁడైన విష్ణుఁడవు, దాశరథీ, కరుణాపయోనిధీ!
ఉ.పండిత రక్షకుం డఖిల పాపవిమోచనుఁడబ్జసంభవా
ఖండలపూజితుండు దశకంఠవిలుంఠనచండకాండకో
దండకళాప్రవీణుఁ డగుతానకకీర్తివధూటికిత్తుఁ బూ
దండలు గాఁగ నాకవిత, దాశరథీ కరుణాపయోనిధీ.
చ.అజునకుఁ దండ్రివయ్యు, సనకాదులకుం బరతత్త్వమయ్యు, స
ద్ద్విజముని కోటికెల్లఁ గులదేవతవయ్యు, దినేశవంశభూ
భుజులకు మేటివయ్యు, బరిపూర్ణుఁడవై వెలుఁగొందు పక్షిరా
డ్ద్వజ, మిముఁ బ్రస్తుతించెదను, దాశరథీ, కరుణాపయోనిధీ.