S ,7 à 8 RSCA (si SASPAS) et 6 cialis pharmacie cialis rapports de stage.
నేర్చుకుందాం
చ.మసకొని రేగుబండ్లకును వౌక్తికముల్ వెలబోసినట్లు దు
ర్వ్యసనము జెంది కావ్యము దురాత్ములకిచ్చితి మోసమయ్యె నా
రసనకుఁబూతవృత్తి సుకరంబుగఁ జేకురునట్లు వాక్సుధా
రసములు చిల్క పద్యముఖరంగమునందు నటింపవయ్య సం
తసమునుజెంది భద్రగిరి దాశరథీ కరుణాపయోనిధీ.
ఉ.ఆర్యులకెల్ల మ్రొక్కి వినతాంగుఁడనై రఘునాథభట్టరా
చార్యులకంజలెత్తి కవిసత్తములన్ వినుతించి కార్యసౌ
కర్యమెలర్ప నొక్క శతకంబొనఁగూర్చి రచింతు నేఁడు తా
త్పర్యమునన్ గ్రహింపుమిది దాశరథీ కరుణాపయోనిధీ
దాశరథి శతకం
*
ఉ.శ్రీద, సనందనాదిమునిసేవితపాద, దిగంతకీర్తి సం
పాద, సమస్త్భూతపరిపాలనవినోద, విషాదవల్లికా
చ్ఛేద ధరాధినాథకులసింధుసుధామయపాద, నృత్తగీ
తాదివినోద, భద్రగిరి దాశరథీ, కరుణాపయోనిధీ.
*
దాశరథి శతకం
*
ఉ. రంగదరాతిభంగ ఖగరాజతురంగ విపత్పరంపరో
త్తుంగతమఃపతంగ, పరితోషితరంగ, దయాంతరంగ, స
త్సంగ, ధరాత్మజాహృదయసారసభృంగ, నిశాచరాబ్జమా
తంగ శుభాంగ భద్రగిరి దాశరథీ కరుణాపయోనిధీ
చ.అగణిత సత్యభాష, శరణాగతపోష, దయాలసజ్‌ఝరీ
విగతసమస్తదోష, పృథివీసురతోష, త్రిలోకపూతకృ
ద్గగనధునీమరందపదకంజవిశేష, మణిప్రభాధగ
ద్ధగితవిభూష, భద్రగిరిదాశరథీ, కరుణాపయోనిధీ
ఉ.రామ, విశాలవిక్రమపరాజితభార్గవ రామ, సద్గుణ
స్తోమ, పరాంగనావిముఖసువ్రతకామ, వినీలనీరద
శ్యామ, కకుత్స్ద వంశకలశాంబుధిసోమ, సురారిదోర్బలో
ద్దామవిరామ, భద్రగిరి దాశరథీ కరుణాపయోనిధీ.
దాశరథి శతకం
ఉ.శ్రీ రఘురామ చారుతులసీదలదామ శమక్షమాదిశృం
గారగుణాభిరామ త్రిజగన్నుతశౌర్యరమాలలామ దు
ర్వారకబంధరాక్షసవిరామ జగజ్జనకల్మషార్లవో
త్తారకనామ భద్రగిరి దాశరథీ కరుణాపయోనిధీ.
సీ॥ లక్ష్మీశ! నీ దివ్య లక్షణ గుణములు
వినఁజాలకెప్పుడు వెఱ్ఱినైతి
నా వెఱ్ఱి గుణములు నయముగా ఖండించి
నన్ను రక్షింపుమో నళిననేత్ర!
నిన్ను నే నమ్మితి నితరదైవముల నే
నమ్మ లేదెప్పుడు నాగశయన!
కాపాడినను నీవె కష్టపెట్టిన నీవె
నీ పాద కమలముల్ నిరతమేను
తే॥ నమ్మియున్నాను నీ పాదనళినభక్తి
వేగ దయచేసి రక్షించు వేదవేద్య!