వడమాలపేట, డిసెంబర్ 12: తమిళనాడుకు అక్రమంగా తరలిస్తున్న రూ. 80 లక్షల విలువ గల 30 ఎర్ర చందనం దుంగలను టాస్క్ఫోర్స్ అధికారులు బుధవారం పట్టుకున్నారు. చిత్తూరు జిల్లా రేణిగుంట మండలం మామండూరు అటవీ ప్రాంతం నుంచి ఎర్రచందనం దుంగలను తమిళనాడుకు మినీ లారీలో తరలిస్తున్నట్లు రహస్య సమాచారం అందడంతో ఐజీ కాంతారావు ఆదేశాల మేరకు తిరుపతి టాస్క్ఫోర్స్ అధికారులు బుధవారం తెల్లవారుజామున కరకంబాడి వద్ద కాపుకాశారు.

వెదురుకుప్పం, డిసెంబర్ 12: మండలంలోని రాజబావి కోన వద్ద బుధవారం జరిగిన రోడ్డు ప్రమాదంలో ఇద్దరు మృతిచెందినట్లు ఎస్‌ఐ రామకృష్ణ తెలిపారు. పెనుమూరు మండలం బొంతివంక గ్రామానికి చెందిన బి.లోకనాథ నాయుడు (60), బి.సుబ్రహ్మణ్యం నాయుడు (61) తిరుపతి నుంచి తమ గ్రామానికి ద్విచక్ర వాహనంపై వెళుతుండగా తమిళనాడు నుంచి వస్తున్న టీఎన్ 01 ఏవీ 4266 నెంబరుగల కారు అతివేగంగా వచ్చి ఢీకొనడంతో ఈ ప్రమాదం జరిగింది.

శ్రీకాళహస్తి, డిసెంబర్ 12: శ్రీకాళహస్తి-నాయుడుపేట జాతీయ రహదారిలోని మిట్టకండ్రిగ వద్ద బుధవారం కారు, లారీ ఢీకొన్న ఘటనలో కారు డ్రైవర్ మృతి చెందగా, కారులో ప్రయాణిస్తున్న ఒక మహిళ సహా ముగ్గురు గాయాలపాలయ్యారు.

రావులపాలెం, డిసెంబర్ 12: టీవీలో వస్తున్న క్రికెట్ మ్యాచ్‌ల ప్రత్యక్ష ప్రసారాలను చూస్తూ బెట్టింగ్‌లు నిర్వహిస్తున్న ఒక ముఠాను మంగళవారం అర్ధరాత్రి రావులపాలెం పోలీసులు అరెస్టు చేశారు. బుధవారం సాయంత్రం స్థానిక పోలీసుస్టేషన్‌లో ఏర్పాటుచేసిన విలేఖరుల సమావేశంలో సీఐ బి పెద్దిరాజు వివరాలు వెల్లడించారు. అదుపులోకి తీసుకున్న తొమ్మిది మందిని స్వాధీనం చేసుకున్న నగదు, టీవీ, సెల్‌ఫోన్లతో సహా హాజరుపరిచారు.