ఉరవకొండ, జూలై 7 : పట్టణంలోని ఇందిరానగర్‌లో ఆటో ఢీకొనడంతో వన్నూరమ్మ (71) మృతి చెందినట్లు పోలీసులు తెలిపారు. పోలీసులు తెలిపిన వివరాల మేరకు ఇందిరానగర్‌లోని ఆంజనేయస్వామి ఆలయం నడుచుకుంటూ వెళ్తున్న వన్నూరమ్మను ఆటో ఢీకొంది. దీంతో వెంటనే చికిత్స నిమిత్తం స్థానిక ప్రభుత్వాసుపత్రికి తరలించగా చికిత్స పొందుతూ పరిస్థితి విషమించి మృతి చెందినట్లు తెలిపారు.

అమరాపురం, జూలై 7 : మండల పరిధిలోని ఉదగూరుకు చెందిన అశ్వినీ (25) శనివారం కడుపునొప్పి తాళలేక ఉరేసుకుని ఆత్మహత్యకు పాల్పడినట్లు పోలీసులు తెలిపారు. అశ్వినీ కొంతకాలంగా కడుపునొప్పితో బాధ పడుతుండటంతో కుటుంబ సభ్యులు పలు ఆసుపత్రుల్లో చికిత్సలు చేయించినా ప్రయోజనం లేకపోయింది. దీంతో జీవితంపై విరక్తి చెందిన ఆమె ఇంటి సమీపంలోని చెట్టుకు ఉరేసుకుని ఆత్మహత్యకు పాల్పడింది.

ఆదిలాబాద్, జూలై 6: ప్రజల ఆరోగ్యాన్ని హరించే గుట్కాను ప్రభుత్వం నిషేధించినప్పటికీ ఆదిలాబాద్ ఉమ్మడి జిల్లాలో గుట్టుచప్పుడు కాకుండా యథేచ్ఛగా కోట్లాది రూపాయల అక్రమ వ్యాపారం సాగుతోంది. మహారాష్ట్ర నుంచి గుట్కా, జర్దా, మత్తు పదార్థాలు ఆదిలాబాద్ జిల్లా కేంద్రంగా రవాణా జరుగుతున్నట్లు పోలీసుల విచారణలో బట్టబయలైంది.

హైదరాబాద్, జూలై 6: ఆస్తి తనఖా రుణాల పేరుతో అమాయకులను మోసం చేసి లక్షల్లో దోచుకుంటున్న ముగ్గురిని టాస్క్ఫోర్స్ అదుపులోకి తీసుకుంది. వీరి నుంచి రూ.45 లక్షల నగదు, సెల్‌ఫోన్లు స్వాధీనం చేసుకున్నారు. వివరాలను నగర సిపి అంజనీకుమార్ శుక్రవారం ఏర్పాటు చేసిన విలేఖరుల సమావేశంలో వివరించారు. నిందితులు సతీషన్ పాలయాడ్ (63), ఎస్.రామ్ నివాస్ (38), ఎస్ హరినివాస్ (40)ను అరెస్టు చేసినట్లు తెలిపారు.