న్యూఢిల్లీ, డిసెంబర్ 5: దేశంలో నదుల అనుసంధానంతో జల సంపద ఆదా అవుతుందని కేంద్ర మంత్రి నితిన్ గడ్కరీ అభిప్రాయపడ్డారు. దేశంలో పవర్ గ్రిడ్ మాదిరిగానే నదుల అనుసంధానం సాగాలన్నారు. దేశంలో జల వనరులకు ఎలాంటి ఇబ్బందీ లేదని, అయితే వినియోగం, నిర్వహణ పట్ల ప్రజలు అవగాహన పెంచుకోవాల్సిన అవసరం ఉందని సూచించారు.

ముంబయి, డిసెంబర్ 5: 70వ దశకం హిందీ రొమాంటిక్ ఐకాన్ శశికపూర్ పార్ధీవదేహానికి మంగళవారం నాడిక్కడ శాంతాక్రూజ్ హిందూ స్మశానవాటికలో అంత్యక్రియలు జరిగాయి. ప్రభుత్వ అధికార లాంఛనాల మధ్య దివంగత నటుడి అంతిమయాత్ర సాగింది. ఎంతోకాలంగా అనారోగ్యంతో బాధపడుతున్న శశికపూర్ ముంబయిలోని కోకిలాబెన్ దీరూభాయ్ అంబానీ ఆసుపత్రిలో సోమవారం కన్నుమూశారు.

న్యూఢిల్లీ, డిసెంబర్ 5: పోలవరం పనులు సమీక్షించి, సీఎం చంద్రబాబుతో చర్చించిన తరువాతే టెండర్ల ప్రక్రియ పునఃప్రారంభం, అంచనాల పెంపు తదితర అంశాలపై తదుపరి నిర్ణయం తీసుకుంటామని జలవనరుల మంత్రి నితిన్ గడ్కరీ స్పష్టం చేసినట్టు తెలిసింది. పోలవరం వ్యవహారంపై రాష్ట్ర నీటిపారుదల మంత్రి ఉమామహేశ్వరరావు మంగళవారం నితిన్ గడ్కరీతో సమావేశమయ్యారు.

అరయ్యవ దశకం హిందీ సినిమాకు స్వర్ణయుగమే. అన్ని అద్భుతాలూ ఆ దశకంలోనే జరిగాయి. అన్ని కళాఖండాలూ ఆ పదేళ్ల కాలంలోనే. యావద్భారత ప్రేక్షకులను అలరించి ఇప్పటికీ అజరామరంగా నిలిచిపోయాయి. సంగీతం, పాటలు మధురాతి మధురాలుగా నిత్యాన్నందాన్ని ఇప్పటికీ కలిగిస్తూనే ఉన్నాయి. ఆ దశకంలో.. ఓ పక్క రాజేంద్ర కుమార్, మరో పక్క ధర్మేంద్ర, ఇంకోపక్క రాజేష్ ఖన్నా..