ముంబయి, సెప్టెంబర్ 7:ముంబయి గొలుసు పేలుళ్ల కేసులో ప్రత్యేక టాడా కోర్టు గురువారం సంచలన తీర్పును వెలువరించింది. తాహిర్ మర్చంట్, ఫిరోజ్ అబ్దుల్‌లకు మరణ శిక్ష విధించిన కోర్టు గ్యాంగ్‌స్టర్ అబూ సలేంకు యావజ్జీవ ఖైదును విధించింది. నేరస్తుల అప్పగింత చట్టంలోని నిబంధన కారణంగానే అబూ సలేం మరణ శిక్ష నుంచి తప్పించుకోగలిగాడు. సలేంతో పాటు కరిముల్లా ఖాన్‌కు కూడా యావజ్జీవం పడింది.

న్యూఢిల్లీ, సెప్టెంబర్ 6: ప్రముఖ పాత్రికేయురాలు, సామాజిక కార్యకర్త గౌరీ లంకేష్ దారుణ హత్యను కాంగ్రెస్ అధ్యక్షురాలు సోనియా గాంధీ తీవ్రంగా ఖండించారు. గౌరీ లంకేష్ హత్యపట్ల దిగ్భ్రాంతి వ్యక్తం చేసిన సోనియా గాంధీ హేతువాదుల వరుస హత్యలకు ఎవరు బాధ్యులని నిలదీశారు. గౌరీ లంకేష్ తన అభిప్రాయాలను నిర్భయంగా వ్యక్తం చేసేవారని, ప్రతికూల వ్యవస్థను ఆమె ధైర్యంతో ఎదుర్కొనేవారని సోనియా గాంధీ చెప్పారు.

న్యూఢిల్లీ, సెప్టెంబర్ 6: దేశంలో రోజువారీగా జరుగుతున్న రోడ్డు ప్రమాదాల్లో 400 మంది మరణిస్తున్నారని, వీరిలో 46 శాతం మంది 18 నుంచి 35 సంవత్సరాలలోపు వారేనని కేంద్ర మంత్రి నితిన్ గడ్కరీ వెల్లడించారు.

న్యూఢిల్లీ, సెప్టెంబర్ 6: రాజకీయ నాయకుల ఆస్తులు అనంతంగా పెరిగిపోతున్నావారిపై ఎలాంటి చర్యలు తీసుకుంటున్నది వివరించకపోవడం పట్ల సుప్రీం కోర్టు బుధవారం కేంద్రప్రభుత్వంపై తీవ్ర ఆగ్రహం వ్యక్తం చేసింది. గత రెండు ఎన్నికల్లోకొంత మంది రాజకీయ నాయకులు ఆస్తులు ఏకంగా 500 శాతం పెరిగిపోయిన అంశాన్ని ప్రస్తావించింది. ఇందుకు సంబంధించి తగిన సమాచారాన్ని తమ ముందు ఉంచాలని ప్రభుత్వాన్ని ఆదేశించింది.