S ,7 à 8 RSCA (si SASPAS) et 6 cialis pharmacie cialis rapports de stage.

జాతీయ వార్తలు

06/09/2016 - 17:39

ఢిల్లీ : ఢిల్లీ మున్సిపల్‌ కార్పొరేషన్ సమావేశంలో గురువారం గందరగోళం నెలకొంది. ఆప్‌, బీజేపీ కార్యకర్తలు కొట్టుకున్నారు. పలువురు కౌన్సిలర్లకు గాయాలు అయ్యాయి. తమకు మాట్లాడే అవకాశం ఇవ్వడంలేదని ఆప్‌ సభ్యులు ఆరోపించారు. బీజేపీ సభ్యులే తమను ముందు కొట్టారని ఆరోపించారు.

06/09/2016 - 13:34

రాయ్‌పూర్: చత్తీస్‌గఢ్‌లోని రణ్‌పాల్ అటవీ ప్రాంతంలో బుధవారం అర్ధరాత్రి దాటాక ఇండో టిబెటన్ బోర్డర్ పోలీస్ శిబిరంపై సుమారు వందమంది మావోయిస్టులు మెరుపుదాడి చేశారు. కాసేపటికి తేరుకున్న సాయుధ జవాన్లు కూడా మావోలపై కాల్పులు జరిపారు. ఇరుపక్షాల మధ్య చాలాసేపు కాల్పులు జరిగాయి. ఈ ఘటనలో కొందరు జవాన్లు, మావోలు గాయపడ్డారని సమాచారం. పూర్తి వివరాలు ఇంకా తెలియాల్సి ఉంది.

06/09/2016 - 12:54

అలహాబాద్‌ : ఉత్తరప్రదేశ్‌లోని అలహాబాద్‌లో గురువారం ఉదయం టైంబాంబ్‌ను పోలీసులు సీజ్ చేశారు. రైల్వేస్టేషన్ వేబ్రిడ్జ్ సమీపంలో ఈ బాంబును గుర్తించారు.

06/09/2016 - 12:38

సికింద్రాబాద్‌: సమస్యలు పరిష్కరించాలని డిమాండ్‌ చేస్తూ భారతీయ రైల్వే సహా అనుబంధ కేంద్ర ప్రభుత్వ ఉద్యోగులు జూలై 11 నుంచి సమ్మె బాట పట్టనున్నారు. ఉద్యోగ సంఘాలు గురువారం సమ్మె నోటీసు అందజేశాయి. దేశ వ్యాప్తంగా అన్ని రైల్వే జోన్ల జనరల్‌ మేనేజర్లకు ఎక్కడికక్కడ సమ్మె నోటీసులు అందజేశారు. భారతీయ రైల్వేలో 42 ఏళ్ల తర్వాత సమ్మె సైరన్‌ మోగనుంది.

06/09/2016 - 07:55

న్యూఢిల్లీ, మే 8: మేధో కవాటాలు ఎప్పటికీ తెరిచి ఉన్నప్పుడే స్వేచ్ఛగా సృజనాత్మక ఆలోచనల ప్రసారాలు ఒకరి నుంచి ఒకరికి కొనసాగుతాయని రాష్టప్రతి ప్రణబ్ ముఖర్జీ బుధవారం అన్నారు. ఆలోచనల పరస్పర ప్రసారం వల్ల నూతన ఆవిష్కరణలకు దారి ఏర్పడుతుందని ఆయన అన్నారు.

06/09/2016 - 06:59

తిరువనంతపురం, జూన్ 8: కాంగ్రెస్ అధ్యక్షురాలు సోనియాగాంధీపై కేరళకు చెందిన ఓ కన్‌స్ట్రక్షన్ కంపెనీ కోర్టులో కేసు దాఖలు చేసింది. నెయ్యర్‌లో రాజీవ్‌గాంధీ ఇనిస్టిట్యూట్ ఆఫ్ డెవలప్‌మెంట్ స్టడీస్ కాంప్లెక్స్ సంస్థకు సంబంధించి భవన నిర్మాణాన్ని ప్రదేశ్ కాంగ్రెస్ కమిటీ చేపట్టింది. భవన నిర్మాణ బాధ్యతలను హీథర్ కన్‌స్ట్రక్షన్ కంపెనీకి అప్పగించారు. పను లు పూర్తిచేసినా నిర్మాణ సంస్థకు బిల్లులు చెల్లించలేదు.

06/09/2016 - 06:27

తిరువనంతపురం, జూన్ 8: ఎట్టకేలకు నైరుతి రుతుపవనాలు కేరళను తాకాయి. రుతుపవనాల ప్రభావం వల్ల దక్షిణాది రాష్ట్రాల్లో విస్తారంగా వర్షాలు పడుతున్నాయి. కేరళలోని ఇదుక్కి జిల్లాలో భారీ వర్షాలకు ఒక వ్యక్తి మృతి చెందాడు. గత రాత్రి నుంచి కుండపోతగా వర్షాలు కురిశాయని తిరువనంతపురం ప్రాంతీయ వాతావరణ శాఖ డైరెక్టర్ కె సంతోష్ వెల్లడించారు.‘నైరుతి రుతుపవనాలు కేరళ, లక్షద్వీప్ తీరాన్ని తాకాయి.

06/09/2016 - 06:25

న్యూఢిల్లీ,జూన్ 8: ఆంధ్రప్రదేశ్‌లోని నెల్లూరు జిల్లా కోట మండలంలో మెగా లెదర్ క్లస్టర్‌ను ఏర్పాటు చేసేందుకు కేంద్ర వాణిజ్య శాఖ ఆమోదం తెలిపింది. వాణిజ్య శాఖ మంత్రి నిర్మలా సీతారామన్ ఈ మేరకు రాష్ట్ర ముఖ్యమంత్రి నారా చంద్రబాబునాయుడుకు ఒక లేఖ రాశారు. మెగా లెదర్ క్లస్టర్ ఏర్పాటుకు కేంద్ర ప్రభుత్వం తన వంతు సహాయంగా 125 కోట్ల రూపాయలు ఇస్తుంది.

06/08/2016 - 17:24

దిల్లీ: బాలింతలు, శిశువులకు ఆహారాన్ని అందించేందుకు ‘జనని సేవ’ కార్యక్రమాన్ని రైల్వేమంత్రి సురేష్ ప్రభు బుధవారం ప్రారంభించారు. వేడినీళ్లు, పాలుతో పాటు బాలింతలు, శిశువులకు అవసరమయ్యే వివిధ ఆహార పదార్థాలను 25 రైల్వేస్టేషన్లలో అందుబాటులో ఉంచుతున్నామని ఆయన తెలిపారు. 5 నుంచి 12 ఏళ్లలోపు పిల్లలకు ఆహారాన్ని అందించేందుకు ప్రత్యేక మెనూ రూపొందించామన్నారు.

06/08/2016 - 17:09

దిల్లీ: నెల్లూరు జిల్లా కోట మండలంలో మెగా లెదర్‌ క్లస్టర్‌ ఏర్పాటు చేసేందుకు కేంద్రం అంగీకారం తెలిపింది. దీనికి సంబంధించి కేంద్ర వాణిజ్యశాఖ మంత్రి నిర్మలా సీతారామన్‌ బుధవారం సంతకం చేశారు. రూ.128 కోట్ల వ్యయంతో కనీసం 20వేల మందికి ఉపాధి కల్పించేలా ఈ క్లస్టర్‌ ఏర్పాటు చేయనున్నారు.

Pages