కోల్‌కత: పశ్చిమబెంగాల్, అస్సాం అసెంబ్లీలకు సోమవారం ఉదయం రెండోదశ పోలింగ్ ప్రశాంతంగా ప్రారంభమైంది. బెంగాల్‌లో రెండోదశ పోలింగ్‌లో 31 స్థానాలకు పోలింగ్ జరుగతుండగా 163 మంది అభ్యర్థులు బరిలో నిలిచారు. అస్సాంలో 61 స్థానాలకు 525 మంది రంగంలో నిలిచారు. అస్సాంలో రెండో విడతతో ఎన్నికల ఘట్టం ముగుస్తుంది. బంగ్లాదేశ్ సరిహద్దు ప్రాంతాల్లో పోలింగ్ సందర్భంగా అస్సాంలో భారీగా పోలీసు బలగాలను మోహరించారు.

కొల్లాం, ఏప్రిల్ 10: వందేళ్ల సుదీర్ఘ చరిత్ర కలిగిన ఓ ప్రాచీన ఆలయంలో సంభవించిన పెను విషాదం వేలాదిమందిని కదిలించి వేసింది. క్షణాల ముందువరకూ ఆనందోత్సాహాల మధ్య సాగిన వాతావరణం అంతలోనే భయానక విషాదంగా మారి స్మశాన సదృశమే అయంది. ఒక్కసారిగా సంభవించిన బాణసంచా పేలుళ్లతో ఆ ప్రాంతం హాహాకారాల మయంగా మారింది. కాలిన మృతదేహాలు, కూలిన ఆలయ స్లాబులతో నిండిపోయంది.

గౌహతి/కోల్‌కతా, ఏప్రిల్ 10: అసోంలో చివరి విడత, పశ్చిమ బెంగాల్‌లో రెండో విడత పోలింగ్‌ను సోమవారం నిర్వహించడానికి అన్ని ఏర్పాట్లు పూర్తయ్యాయి. రిగ్గింగ్ తదితర అక్రమాలు చోటుచేసుకోకుండా ఎన్నికల అధికారులు పకడ్బందీ ఏర్పాట్లు చేశారు. అసోంలోని 61 నియోజకవర్గాలలో మొత్తం 525 మంది అభ్యర్థులు బరిలో నిలిచారు. ఇక్కడ అధికార కాంగ్రెస్, బిజెపి-ఎజిపి-బిపిఎఫ్ కూటమి, ఎఐయుడిఎఫ్ మధ్య త్రిముఖ పోటీ నెలకొంది.

కొల్లాం, ఏప్రిల్ 10: పుట్టింగల్ ఆలయంలో సంభవించిన ప్రమాదాన్ని ఊహించశక్యం కానిదిగా పేర్కొన్న ప్రధాని నరేంద్ర మోదీ ఈ క్లిష్టసమయంలో రాష్ట్ర ప్రభుత్వానికి, రాష్ట్ర ప్రజలకు అన్నివిధాల సాయం అందిస్తామని హామీ ఇచ్చారు. ఢిల్లీనుంచి ప్రత్యేక విమానంలో ఇక్కడికి వచ్చిన ప్రధాని మోదీ ప్రమాదం జరిగిన స్థలాన్ని, అనంతరం క్షతగాత్రులు చికిత్స పొందుతున్న కొల్లాం జిల్లా ఆస్పత్రిని సందర్శించారు.