అహ్మద్‌నగర్, ఏప్రిల్ 9: శని దేవునికి పూజలు చేయడానికి శనివారాన్ని పవిత్రమైన రోజుగా భావిస్తుంటారు. అందునా దేశంలోనే ప్రసిద్ధి గాంచిన మహారాష్టల్రోని సింగ్నాపూర్ గ్రామంలో గల శని దేవాలయంలోకి మహిళల ప్రవేశంపై నిషేధాన్ని తొలగించిన తరువాత వచ్చిన మొదటి శనివారం కావడంతో అనేకమంది పురుషులు, మహిళలు ఉదయమే పూజలు చేయడానికి ఆలయానికి భారీ సంఖ్యలో తరలివచ్చారు.

జమ్మూ, ఏప్రిల్ 9: దక్షిణ కాశ్మీర్ హిమాలయాల్లో వేంచేసిన అమర్‌నాథ్ ఆలయాన్ని దర్శించుకునేందుకు రిజిస్ట్రేషన్ చేయించుకున్న భక్తులు లక్ష దాటారు. జూలై 2 నుంచి అమర్‌నాథ్ యాత్ర ప్రారంభం కానుంది. దీనికోసం అడ్వాన్స్ రిజిస్ట్రేషన్లు లక్ష దాటాయని అమర్‌నాథ్ ఆలయ సిఇవో వెల్లడించారు.

ముంబయి, ఏప్రిల్ 9: మజ్లిస్ పార్టీ నాయకులైన ఒవైసీ సోదరులు అసదుద్దీన్, అక్బరుద్దీన్‌పై మహారాష్ట్ర నవ నిర్మాణ సేన (ఎంఎన్‌ఎస్) అధినేత రాజ్ థాకరే శనివారం తీవ్రస్థాయిలో ధ్వజమెత్తారు. మెడపై కత్తి పెట్టినప్పటికీ ‘్భరత్ మాతాకీ జై’ అనే నినాదం చేసే ప్రసక్తే లేదంటున్న అసదుద్దీన్, అక్బరుద్దీన్‌లకు దమ్ముంటే మహారాష్టక్రు వచ్చి ఆ ప్రకటన చేయాలని సవాలు విసిరారు.

కోల్‌కతా, ఏప్రిల్ 9: ఐఐటి ఖరగ్‌పూర్ 2016లో అత్యధిక పేటెంట్లు సంపాదించిన విద్యాసంస్థగా భారత ప్రభుత్వ అవార్డును దక్కించుకుంది. ఈ మేరకు కేంద్ర వాణిజ్య, పరిశ్రమల మంత్రిత్వ శాఖనుంచి తమకు ఒక లేఖ అందినట్లు ఐఐటి ఖరగ్‌పూర్ డైరెక్టర్ పార్థ ప్రతిమ్ చక్రబర్తి చెప్పారు. తమ ‘వంద పేటెంట్ల డ్రైవ్’ ప్రయత్నాలు ఇప్పుడు ఫలితాలనిస్తున్నాయని ఆయన అంటూ, ఈ అవార్డును సాధించేందుకు కృషి చేసిన సహచర బృందాన్ని అభినందించారు.