ముంబయి: ‘బాలికా వధు’ ఫేమ్ టీవీ నటి ప్రత్యూష ఆత్మహత్య కేసులో ఆమె ప్రియుడు రాహుల్‌ను అరెస్టు చేసేందుకు పోలీసులు రంగం సిద్ధం చేస్తున్నారు. శారీరకంగా, మానిసికంగా రాహుల్ చిత్రహింసలకు గురిచేసినందునే తమ కుమార్తె మరణించిందని ప్రత్యూష తల్లిదండ్రులు చెప్పడంతో పోలీసులు ఆ కోణంలో దర్యాప్తు చేశారు. ప్రత్యూష ముక్కుపై, ముఖంపై దెబ్బలున్నట్లు పోస్టుమార్టం నివేదికలో తేలడంతో రాహుల్‌పైనే పోలీసులు దృష్టి పెట్టారు.

నైనిటాల్: రాష్టప్రతి పాలనను రద్దు చేసే హక్కు తమకు ఉందని ఉత్తరాఖండ్ హైకోర్టు గురువారం కేంద్ర ప్రభుత్వానికి హెచ్చరిక చేసింది. ప్రస్తుతం కోర్టు విచారణలో ఉన్న కేసుపై సరిగా స్పందించకుంటే పిటిషనర్ హక్కులను కాపాడతామంటూ కోర్టు వ్యాఖ్యానించింది.

దిల్లీ: తాను బకాయిపడిన మొత్తంలో నాలుగు వేల కోట్ల రూపాయలను త్వరలో చెల్లిస్తానన్న కింగ్‌ఫిషర్ యజమాని విజయ్‌మాల్యా ప్రతిపాదనకు బ్యాంకులు సమ్మతించలేదు. మాల్యా రుణాల ఎగవేత పిటిషన్‌పై గురువారం సుప్రీంకోర్టులో విచారణ సందర్భంగా బ్యాంకులు ఈ విషయాన్ని తెలిపాయి. వివిధ బ్యాంకులకు 9వేల కోట్ల రూపాయలు బకాయిపడిన మాల్యా ప్రస్తుతం లండన్‌లో ఉంటున్న సంగతి తెలిసిందే.

న్యూఢిల్లీ, ఏప్రిల్ 6: కేంద్రంలోని నరేంద్ర మోదీ ప్రభుత్వ విధానాలపై కాంగ్రెస్ ఉపాధ్యక్షుడు రాహుల్ గాంధీ మరోసారి విరుచుకుపడుతూ, బంగారు ఆభరణాలపై విధించింది ఒక శాతం ఎక్సైజ్ సుంకం కాదని, అది బంగారం వ్యాపారుల పాలిట యమపాశం వంటిదని అన్నారు. అంతేకాదు బడా వ్యాపారవేత్తలకు లాభం చేకూర్చేందుకే బిజెపి ప్రభుత్వం ఈ పని చేసిందన్నారు.