న్యూఢిల్లీ, ఏప్రిల్ 4: కృష్ణా నదీ జలాల వివాదం పరిష్కరించే బ్రిజేష్ కుమార్ ట్రిబ్యునల్ మంగళవారం నుంచి మూడు రోజుల పాటు భేటీ కానుంది. ట్రిబ్యునల్ ముందు తెలంగాణ, ఆంధ్రప్రదేశ్, కర్ణాటక, మహారాష్ట్ర ప్రభుత్వాలు తమ వాదనలు వినిపించనున్నాయి. గత ఏడాది మార్చి 30 తరువాత ట్రిబ్యునల్ ఇప్పుడు సమవేశమవుతోంది.

జమ్మూ, ఏప్రిల్ 4: సుదీర్ఘ తర్జన భర్జనలు, మంతనాల నేపథ్యంలో ఎట్టకేలకు జమ్మూకాశ్మీర్ తొలి మహిళా ముఖ్యమంత్రిగా పిడిపి అధినేత్రి మెహబూబా ముఫ్తీ సోమవారం పదవీ స్వీకార ప్రమాణం చేశారు. 56 ఏళ్ల మెహబూబా చేత గవర్నర్ ఎన్‌ఎన్ వోరా ప్రమాణం చేయించారు. తన తండ్రి హయాంలో మాదిరిగానే బిజెపితో కలిసి 22 మంది మంత్రులతో కూడిన సంకీర్ణ ప్రభుత్వాన్ని ఆమె ఏర్పాటు చేశారు.

చెన్నై, ఏప్రిల్ 4: తమిళనాడులో తన రాజకీయ ప్రత్యర్థి డిఎంకెను ఈ ఎన్నికల్లోనూ మట్టికరిపించడానికి అన్నాడిఎంకె పావులు కదుపుతోంది. పలు సంస్థల సర్వేల పలితాలూ అనుకూలంగా రావడంతో అన్నాడిఎంకె ఉత్సాహంతో ముందుకెళుతోంది. మే 16న జరిగే అసెంబ్లీ ఎన్నికల్లో పోటీచేసే 227 మంది అభ్యర్థులతో జాబితాను ముఖ్యమంత్రి జయలలిత సోమవారం వెల్లడించారు. జయలలిత ఆర్‌కె నగర్ నియోజకవర్గం నుంచే ఈసారీ పోటీ చేయనున్నారు.

గోల్‌పార, ఏప్రిల్ 4: అసోంలో రెండు, ఆఖరి విడత పోలింగ్ జరిగే నియోజకవర్గాల్లో ఎన్నికల ప్రచారం చేసిన కాంగ్రెస్ ఉపాధ్యక్షుడు రాహుల్ గాంధీ ఓటర్లపై వరాలు కురిపించారు. రాష్ట్రంలో ‘మేక్ ఇన్ అసోం’ కింద పది లక్షల మంది యువతకు ఉపాధి కల్పిస్తామని సోమవారం ఆయన ప్రకటించారు. ‘అభివృద్ధి, యువత సంక్షేమం కోసం పనిచేసే ఏకైక పార్టీ కాంగ్రెస్... పేదల ఉద్ధరణకు ముఖ్యమంత్రి తరుణ్ గొగోయ్ ఎన్నో సంక్షేమ పథకాలు అమలుచేశారు.