ముంబయి: మహారాష్ట్రలో సంచలనం సృష్టించిన చిత్రకారిణి హేమా ఉపాధ్యాయ్, ఆమె లాయర్ హరీశ్ భంబానీ హత్య కేసులో ఆమె నుంచి విడిపోయిన భర్త చింతన్ ఉపాధ్యాయ్ ను పోలీసులు మంగళవారం అరెస్టు చేశారు. దాదాపు ఈ హత్య చోటుచేసుకుని వారం రోజులు గడిచిన తర్వాత సోమవారం రాత్రి చింతన్ ను ప్రశ్నించేందుకు పిలిపించిన పోలీసులు అనంతరం మంగళవారం తెల్లవారు జామున 3.30గంటల ప్రాంతంలో అరెస్టు చేసినట్లు ప్రకటించారు.

న్యూఢిల్లీ : దేశంలోని ఆరు ఇండియన్‌ ఇన్‌స్టిట్యూట్‌ ఆఫ్‌ టెక్నాలజీ (ఐఐటి) కళాశాలల్లో 2014-2015 విద్యాసంవత్సరంలో మొత్తం 63 మంది విద్యార్థులు పరీక్షల్లో ఫెయిలయ్యారని కేంద్ర హెచ్‌ఆర్‌డి మంత్రి స్మృతి ఇరానీ లోక్‌సభకు తెలిపారు. సరైన ప్రతిభ చూపని కారణంగా ఐఐటిలనుంచి విద్యార్థులను తొలగించారా అనే ప్రశ్నకు మంత్రి సమాధానం చెప్పారు.

న్యూఢిల్లీ : నిర్భయ తల్లిదండ్రులు కాంగ్రెస్‌ ఉపాధ్యక్షుడు రాహుల్‌ గాంధీ నివాసానికి వెళ్లారు. రాజ్యసభలో జువనైల్‌ జస్టిస్‌ బిల్లు ఆమోదానికి సహకరించాల్సిందిగా వారు ఆయనను కోరనున్నారు. రాజ్యసభ సమావేశం ప్రారంభమైప్పటినుంచి డిడిసిఎ అంశంపై విపక్షాల ఆందోళనతో వాయిదాలు పడుతున్న విషయం విదితమే.

ఢిల్లీ: ఢిల్లీ ముఖ్యమంత్రి కేజ్రీవాల్ సహా ఐదుగురు ఆప్ నేతలకు ఢిల్లీ హైకోర్టు నోటీసులు జారీ చేసింది. కేంద్ర ఆర్థిక మంత్రి అరుణ్‌జైట్లీ పరువు నష్టం దావాకు సంబంధించి ఢిల్లీ హైకోర్టు ఈ నోటీసులు జారీ చేసింది. సీఎం కేజ్రీవాల్ తో పాటు ఆప్ నేతలు కుమార్ విశ్వాస్, అశుతోష్, సంజయ్‌సింగ్, రాఘవ్ ఛద్దా, దీపక్ బాజ్‌పాయ్‌లకు నోటీసులు జారీ చేసింది.