హైదరాబాద్‌: ఫిఫా అధ్యక్షుడు సీప్‌ బ్లాటర్‌, ఉపాధ్యక్షుడు మిచెల్‌ ప్లాటినీలను ఎనిమిదేళ్లపాటు ఫుట్‌బాల్‌ సంబంధిత ఏ కార్యకలాపాల్లో పాల్గొనకుండా ఫిఫా ఎథిక్స్‌ కమిటీ నిషేధించింది. లంచం, అవినీతికి సంబంధించిన ఆరోపణలపై విచారించి ఈ తీర్పును వెలువరించింది.

గువహటి: అసోంలో అధికార కాంగ్రెస్ పార్టీకి చెందిన 9 మంది రెబెల్ ఎమ్మెల్యేలపై అనర్హత వేటు పడింది. గత నెలలో బీజేపీలోకి చేరిన తొమ్మిది మంది ఎమ్మెల్యేలను సోమవారం ఆ రాష్ట్ర అసెంబ్లీ స్పీకర్ ప్రణబ్ కుమార్ గొగోయ్ అనర్హులుగా ప్రకటించారు.126 మంది సభ్యులున్న అసోం అసెంబ్లీలో ప్రస్తుతం కాంగ్రెస్కు 69 ఎమ్మెల్యేలున్నారు.

ఢిల్లీ : నిర్భయ కేసులో బాల నేరస్థుడి విడుదలపై స్టే ఇవ్వాలంటూ ఢిల్లీ మహిళా కమిషన్‌ దాఖలు చేసిన పిటిషన్‌ను సుప్రీంకోర్టు తిరస్కరించింది. దేశవ్యాప్తంగా సంచలనం సృష్టించిన ఢిల్లీ నిర్భయ ఘటనలో బాల నేరస్థుడు నిన్న విడుదలైన సంగతి తెలిసిందే.

దిల్లీ: దిల్లీ క్రికెట్ సంఘంలో తాను అక్రమాలకు పాల్పడ్డానంటూ దిల్లీ సిఎం అరవింద్ కేజ్రీవాల్ చేసిన ఆరోపణలు తన ప్రతిష్ఠకు భంగం కలిగించే విధంగా ఉన్నాయని కేంద్ర మంత్రి అరుణ్ జైట్లీ పరువునష్టం దావా వేశారు. తన కుటుంబ సభ్యులపైనా అర్థంలేని ఆరోపణలు చేయటం తగదని జైట్లీ ఆగ్రహం వ్యక్తంచేశారు.