ఆదిత్యనాథ్ యోగి ఉత్తరప్రదేశ్ ముఖ్యమంత్రి కావడం భారత జాతీయ సంప్రదాయాలకు అనుగుణమైన పరిణామం! ఈ సంప్రదాయాల ధ్యాసలేని రాజకీయ విశే్లషకులకు, ఈ జాతీయతా పథంనుండి తప్పిపోయిన పాశ్చాత్య భావదాసులకు ఒక ‘యోగి’ లేదా ఒక సర్వసంగ పరిత్యాగి ముఖ్యమంత్రి కావడం గురించి విచిత్రమైన ప్రశ్నలు ఉదయించవచ్చు! కానీ ‘యోగులు’ సర్వసంగ పరిత్యాగులు స్వార్థరహితులై వ్యక్తిగత రాగద్వేషాలకు దూరంగా ఉండడం మాత్రం జాతీయ సంప్రదాయం.

మంద పెట్టడం- అన్న మాటలు మరుగున పడిపోతుండడానికి కారణం సేంద్రియ వ్యవసా యం మరుగున పడిపోతుండడం. గ్రామీణ ప్రాంతాలలో ‘మంద’లు కనుమరుగై పోయాయి. ‘మంద’లే లేనప్పుడు మాటలు ఎలా గుర్తుంటాయి? తెలంగాణ ప్రభుత్వం మళ్లీ ‘మందల’కు జీవం పోస్తుండడం మంచి పరిణామం. లక్షలాది గొర్రెలను పల్లెపట్టుల పచ్చిక బీడులలో ‘కాపరులు’ మేపగల కమనీయ దృశ్యాలు పునరావిష్కృతం కాబోతున్నాయి.

‘ఉత్తర’ పరాజయాల తరువాత కాంగ్రెస్ భవితవ్యంపై చర్చ జరగడం సహజమైన వ్యవహారం. కానీ, రాహుల్ గాంధీ ‘నాయకత్వ పటిమ’ గురించి కూడ కాంగ్రెస్ పార్టీలో చర్చ జరుగుతోందని ప్రచారం కావడం హాస్యరస పూరకమైన, అపహాస్య విస్ఫోటకమైన పరిణామం. ‘రాహుల్ నాయకత్వం’ అన్న పదాలను వినగానే జనానికి జుగుప్సాకరమైన అనుభూతి కలుగుతుండడం దశాబ్ది చరిత్ర.

వౌలిక జాతీయతత్త్వ నిష్ఠ విస్తరిస్తోంది, వౌలిక సాంస్కృతిక ధ్యాస పెరుగుతోంది. ఉత్తరప్రదేశ్, ఉత్తరఖండ్ తదితర రాష్ట్రాల శాసనసభలకు జరిగిన ఎన్నికల ఫలితాలు ఈ క్రమానుగత విస్తరణను మరోసారి ధ్రువపరిచాయి. ఈ ఎన్నికల తరువాత ప్రధానమంత్రి నరేంద్ర మోదీ నాయకత్వం ఇబ్బడి ముబ్బడిగా ప్రభావంతం, ప్రభావశీలం కావడం నిరాకరింపజాలని నిజం.