ముంబయి, ఏప్రిల్ 10: ఇండియన్ ప్రీమియర్ లీగ్ (ఐపిఎల్)లో కోల్‌కతా నైట్ రైడర్స్‌కు ప్రాతినిథ్యం వహిస్తున్న ఆస్ట్రేలియా ఆటగాడు క్రిస్ లిన్ భుజానికి గాయమైంది. దీనితో అతను ఐపిఎల్‌లో కొనసాగడం కష్టమన్న అభిప్రాయం వ్యక్తమవుతున్నది. ముంబయి ఇండియన్స్‌తో ఆదివారం జరిగిన మ్యాచ్‌లో జొస్ బట్లర్ క్యాచ్‌ని అందుకోవడానికి ప్రయత్నించినప్పుడు లిన్ కిందపడ్డాడు.

న్యూఢిల్లీ, ఏప్రిల్ 10: ఆసియా బాక్సింగ్ చాంపియన్‌షిప్స్‌లో పోటీపడనున్న భారత జట్టులో దేవేంద్రో సింగ్‌కు చోటు దక్కలేదు. గతంలో రెండు పర్యాయాలు పతకాలను సాధించిన దేవేంద్రో ఈసారి పోటీలకు ప్రకటించిన జట్టులో లేకపోవడం అందరినీ ఆశ్చర్యానికి గురి చేస్తున్నది. అయితే, భవిష్యత్ టోర్నీలు, పోటీలను దృష్టిలో ఉంచుకొని, యువ బాక్సర్లకు ప్రాధాన్యం ఇచ్చినట్టు బృందం ఎంపిక జరిగిన తీరు స్పష్టం చేస్తున్నది.

ఇండోర్: స్టార్ బ్యాట్స్‌మన్ క్రిస్ గేల్ సోమవారం కింగ్స్ ఎలెవెన్ పంజాబ్‌తో జరిగిన మ్యాచ్‌లో లేకపోవడం అతని అభిమానులను తీవ్ర నిరాశకు గురి చేసింది. టి-20 ఫార్మాట్‌లో 10,000 పరుగుల మైలురాయిని చేరిన తొలి క్రికెటర్‌గా రికార్డు పుటల్లో స్థానం సంపాదించేందుకు మరో 25 పరుగుల దూరంలో ఉన్న గేల్, ఆ ఫీట్‌ను సాధిస్తాడని ఎంతో ఆశతో వచ్చిన అభిమానులకు ప్లేయింగ్ ఎలెవెన్‌లో అతను లేడన్న వార్త శరాఘాతమైంది.

న్యూఢిల్లీ, ఏప్రిల్ 10: విభేదాలు లేదా అసంతృప్తులను బహిరంగంగా వ్యక్తీకరించడం సమంజసం కాదని, క్రీడా రంగంలో ఎంతో అనుభవం ఉన్నందున హుందాగా ప్రవర్తించాలనీ లియాండర్ పేస్, మహేష్ భూపతికి అఖిల భారత టెన్నిస్ సంఘం (ఎఐటిఎ) హితవు పలికింది. ఉజ్బెకిస్తాన్‌తో జరిగిన డేవిస్ కప్ ఆసియా/ ఓషియానియా పోటీల్లో డబుల్స్ జట్టు ఎంపికపై పేస్, భూపతి మధ్య విభేదాలు తలెత్తిన విషయం తెలిసిందే.