హైదరాబాద్, మార్చి 23: దేశంలో ఎక్కడా లేని విధంగా తెలంగాణ పారిశ్రామిక ప్రగతి ఉందని మిగిలిన రాష్ట్రాలు తెలంగాణను నమూనాగా తీసుకుంటున్నాయని పరిశ్రమలు, ఐటిసి మంత్రి కె తారకరామారావు పేర్కొన్నారు. గురువారం వివిధ పద్దులపై శాసనసభలో జరిగిన చర్చకు మంత్రి బదులిస్తూ, ఇక రాష్ట్రంలో ‘టి ప్రైమ్’ పేరిట కొత్త పథకాన్ని అమలుచేస్తామని వెల్లడించారు.

హైదరాబాద్, మార్చి 23: రాష్ట్రంలోని గుర్తింపు పొందిన జూనియర్ కాలేజీల్లో వచ్చే విద్యాసంవత్సరం (2017-18) నుండి ఆన్‌లైన్‌లోనే అడ్మిషన్లు నిర్వహిస్తామని ఉప ముఖ్యమంత్రి కడియం శ్రీహరి చెప్పారు. 16,392 టీచర్ పోస్టుల త్వరలోనే భర్తీ చేస్తామని ప్రకటించారు. ఇందులో 7600 పోస్టులు గురుకులాల కోసం,మరో 8792 ప్రభుత్వ పాఠశాలల కోసం భర్తీ చేస్తామని అన్నారు.

విజయవాడ, మార్చి 23:రాష్ట్ర ప్రభుత్వం కొత్త అబ్కారీ విధానాన్ని ప్రకటించింది. సుప్రీంకోర్టు ఆదేశాల మేరకు జాతీయ రహదారికి 500 మీటర్ల దూరం లోపు ఉన్న దుకాణాలకు ఏప్రిల్ 1 నుంచి లైసెన్సు తేదీ అమల్లోకి రానుంది. జాతీయ రహదారికి 500 మీటర్ల పరిధిలో 3,150 దుకాణాలు ఉన్నట్లు అబ్కారీ శాఖ అధికారులు గుర్తించారు. అందులో 1,300 దుకాణాలను ఇతర ప్రాంతాలకు తరలించేందుకు ఆయా దుకాణాల యజమానులు ముందుకు వచ్చారు.

హైదరాబాద్, మార్చి 23: భారత్- బంగ్లాదేశ్ మ్యాచ్ సందర్భంగా హైదరాబాద్ క్రికెట్ అసోసియేషన్ నాలుగు రోజులకు అల్పాహారం, భోజనం నిమిత్తం రూ. 75.78 లక్షలు ఖర్చు పెట్టడాన్ని హైకోర్టు తప్పుబట్టింది. ఈ మ్యాచ్ సందర్భంగా ఉప్పల్ స్టేడియం కెపాసిటీలో 25 శాతం కాంప్లిమెంటరీ పాస్‌లు ఇవ్వడాన్ని కూడా హైకోర్టు తప్పుబట్టింది.