హైదరాబాద్, జనవరి 2: దివ్యాంగులకు, మహిళలకు చేయూత ఇచ్చేందుకు ప్రత్యేక చర్యలు తీసుకోవాలని రాష్ట్ర మహిళా, దివ్యాంగుల సంక్షేమం, రోడ్లుభవనాల మంత్రి తుమ్మల నాగేశ్వరరావు సంబంధిత అధికారులకు ఆదేశాలు జారీ చేశారు. దివ్యాంగులు, మహిళలు ప్రభుత్వంపై అనేక ఆశలు పెట్టుకున్నారని, ప్రభుత్వం ఇప్పటికే వీరికోసం ప్రతిపాదించిన పథకాలు, కార్యక్రమాలు 2018 సంవత్సరంలో నూటికి నూరుశాతం అమలు చేయాలని కోరారు.

హైదరాబాద్, జనవరి 1: తెలంగాణ రాష్ట్రం యావత్తూ రైతులు సోమవారం ఆనందంగా పండగ చేసుకున్నారు. 2018 కొత్త సంవత్సరం ప్రారంభం సందర్భంగా సేద్యం బావులకు నిరంతర విద్యుత్తు ఇవ్వడం ఈరోజు ప్రారంభం కావడమే ఈ ఆనందానికి, పండగకు కారణం. రైతులు వేలాది మంది తమ తమ బావుల వద్దకు వెళ్లి కొబ్బరి కాయలు కొట్టి కుటుంబ సభ్యులతో పాటు పండగ చేసుకున్నారు.

హైదరాబాద్, జనవరి 1: తెలంగాణ రాష్ట్రంలో రెవెన్యూ సిబ్బంది ప్రభుత్వానికి అండగా నిలుస్తున్నారంటూ ముఖ్యమంత్రి కె. చంద్రశేఖరరావు కితాబిచ్చారు. తెలంగాణ రెవెన్యూ ఎంప్లాయిస్ సర్వీసెస్ అసోసియేషన్ (ట్రెసా) డైరీ-2018 ని సిఎం సోమవారం ప్రగతిభవన్‌లో ఆవిష్కరించారు. ఈ సందర్భంగా ముఖ్యమంత్రి మాట్లాడుతూ, రెవెన్యూ ఉద్యోగులు ప్రభుత్వానికి మంచి పేరు తెచ్చారని శ్లాఘించారు.

హైదరాబాద్, జనవరి 1: తెలంగాణ పోలీసు శాఖ ఆధునాతన సమాచార సాంకేతిక పరిజ్ఞానాన్ని ఉపయోగించుకుని పని చేసేందుకు మరో ముందడుగు వేసింది. హైదరాబాద్ సిటీ పోలీస్ విభాగంలో ప్రయోగాత్మకంగా అమలు చేసి విజయవంతమైన ‘హైడ్‌కాప్’ను రాష్ట్ర స్థాయిలో ‘టిఎస్‌కాప్’గా విస్తరించింది. డిజిపి ఎం.మహేందర్‌రెడ్డి సోమవారం నాడిక్కడ తన కార్యాలయంలో ‘టిఎస్‌కాప్’ను లాంఛనంగా ప్రారంభించారు.