హైదరాబాద్, మే 16: బాహుబలి 2 చిత్రం పైరసీ కేసులో ఆరుగురు నిందితులను హైదరాబాద్ సిసిఎస్ పోలీసులు అరెస్టు చేశారు. నిందితులు ప్రధాన సర్వర్‌ను హ్యాక్ చేసి బాహుబలి 2 చిత్రాన్ని డౌన్‌లోడ్ చేసినట్టు దర్యాప్తులో తేలిందని డిసిపి అవినాష్ మహంతి తెలిపారు. మంగళవారం నిందితులను మీడియా ముందు ప్రవేశపెట్టారు.

హైదరాబాద్, మే 16: తెలంగాణ రాష్ట్రంలో కొనసాగుతున్న మహాత్మాగాంధీ జాతీయ ఉపాధి హామీ పథకం (నరేగా) పనులన్నింటినీ, ఆస్తులన్నింటినీ ‘జియో మ్యాపింగ్’ చేయాలని నిర్ణయించారు. రంగారెడ్డి, మెదక్ జిలాల్లో (పాత జిల్లాలు) గత ఏడాది సెప్టెంబర్ 1 న ఈ కార్యక్రమం ప్రారంభమైంది. జాతీయ ఉపాధి హామీ పథకం కింద చేపట్టిన పనులు పూర్తికాగానే ఫోటోలు తీసి జాతీయ వెబ్‌సైట్‌కు అనుసంధానం చేయాల్సి ఉంటుంది.

హైదరాబాద్, మే 16: పాతబస్తీలో దారుణం చోటుచేసుకుంది. ఓ యువకుడు, తన మిత్రుడి చేతిలోనే దారుణ హత్యకు గురయ్యాడు. హైదరాబాద్ జూపార్క్ ఎదురుగావున్న రమ్నాస్‌పురాకు చెందిన మహమ్మద్ అబ్దుల్ సత్తార్ కుమారుడు మహమ్మద్ అబ్దుల్ వాజిద్, అదే ప్రాంతానికి చెందిన చిన్ననాటి స్నేహితుడు పర్వేజ్ ఇద్దరు క్లాస్ మేట్స్. కాగా వీరిద్దరికి క్రికెట్ ఆటలో తగవులాట జరిగింది. దీంతో పర్వేజ్, అబ్దుల్ వాజిద్‌పై కక్ష పెంచుకున్నాడు.

నేరేడుచర్ల, మే 16: నేరేడుచర్ల, నర్సయ్యగూడెం గ్రామ శివారులోని పంటపొలాల నుండి మిషన్ భగీరథ పైపులైన్ నిర్మాణ పనులను రెండవ రోజు మంగళవారం అధికారులు భారీ పోలీసు బందోబస్తు మధ్య ప్రారంభించారు. సోమవారం మిషన్ భగీరథ పైపులైన్ నిర్మాణ పనులను పంటపొలాల నుండి వేయవద్దని అడ్డుకున్న రైతులను బలవంతంగా నెట్టివేసి పోలీస్‌స్టేషన్‌కు తరలించి భారీస్థాయి ఎత్తున పోలీసులను రప్పించి సర్వే చేశారు.