హైదరాబాద్, ఏప్రిల్ 14: భారత రత్న డాక్టర్ బిఆర్ అంబేద్కర్‌కు రాష్ట్ర ప్రజలు ఘన నివాళి అర్పించారు. శుక్రవారం అంబేద్కర్ 126వ జయంతి సందర్భంగా నగరంలోని ట్యాంక్ బండ్ వద్ద గల అంబేద్కర్ విగ్రహానికి పూల దండలు వేసి నివాళి అర్పించేందుకు తెలంగాణనుంచి పెద్ద ఎత్తున ప్రజలు పొటేత్తారు. దీంతో ట్యాంక్‌బండ్ పరిసరాలు కిటకిటలాడాయి.

హైదరాబాద్, ఏప్రిల్ 14: ఐటి శాఖ మంత్రి కె తారక రామారావు కూలీ నంబర్ వన్‌గా నిలిచారు. టిఆర్‌ఎస్ వరంగల్ బహిరంగ సభ కోసం వారం రోజుల పాటు కూలీ దినాలు జరపునున్నారు. కూలీ దినాల్లో భాగంగా మంత్రి కెటిఆర్ శుక్రవారం సుచిత్రా సర్కిల్ సమీపంలో ఐస్‌క్రీమ్ పార్లర్‌లో ఐస్‌క్రీమ్ అమ్మారు. ఇప్పటి వరకు జరిగిన టిఆర్‌ఎస్ కూలీ దినాల్లో కెటిఆర్ మొదటి స్థానంలో నిలిచారు.

హైదరాబాద్, ఏప్రిల్ 14: గత ఆర్థిక సంవత్సరంలో పిల్లలపై లైంగిక చర్యలకు పాల్పడిన 933 మందిపై పోలీసులు కేసులు నమోదు చేశారు. పిల్లలపై లైంగిక చర్యలకు పాల్పడకుండా మహిళా, శిశు, వయోవృద్ధుల సంక్షేమ శాఖ చర్యలు చేపట్టింది. పిల్లలపై లైంగిక చర్యలకు పాల్పడే వారి పట్ల కఠినంగా వ్యవహరించాలని ప్రభుత్వం సంబంధిత అధికారులను ఆదేశించింది. పిల్లలకు మరింత మెరుగైన కుటుంబ సంరక్షణ కల్పించేందుకు ప్రభుత్వం చర్యలు చేపట్టింది.

హైదరాబాద్, ఏప్రిల్ 14: ఎన్‌ఆర్‌ఐ మధుకర్ భార్య స్వాతి ఆత్మహత్యాయత్నం చేసింది. పోలీసులు, బంధువులు తెలిపిన వివరాల ప్రకారం.. అమెరికాలోని సియోటిల్ నగరంలో నివాసముంటున్న ఎన్‌ఆర్‌ఐ గూడూరు మధుకర్ ఈనెల 3న ఆత్మహత్య చేసుకున్నాడు. అతని మరణం తర్వాత స్వాతి రెడ్డి(34) నగరంలోని ఆర్కెపురం సౌభాగ్యపురం కాలనీలో నివాసముంటున్న తల్లిదండ్రుల వద్దకు వచ్చింది.