హైదరాబాద్, ఏప్రిల్ 17: ముస్లింలకు రిజర్వేషన్లు పెంచుతూ శాసనసభలో బిల్లు ఆమోదించడం పట్ల బీసీ సంఘాలు భగ్గుమన్నాయి. ఇదే అంశంపై బిజెపి నేతలు కూడా ఆందోళన బాటపట్టారు. ప్రభుత్వ నిర్ణయానికి వ్యతిరేకంగా బీసీ సంక్షేమ సంఘం రాష్ట్ర కమిటీ, బిజెపి గ్రేటర్ హైదరాబాద్ కమిటీలు వేర్వేరుగా హైదరాబాద్ కలెక్టరేట్ ముట్టడికి ప్రయత్నించాయి.

హైదరాబాద్, ఏప్రిల్ 16: టిఆర్‌ఎస్ అధ్యక్షుడిగా కల్వకుంట్ల చంద్రశేఖర్‌రావు పేరు ప్రతిపాదిస్తూ మంత్రులు, ఎమ్మెల్యేలు వేరువేరుగా నామినేషన్ పత్రాలు అందజేశారు. టిఆర్‌ఎస్ ఎన్నికల అధికారిగా ఉన్న హోంమంత్రి నాయిని నర్సింహారెడ్డికి తెలంగాణ భవన్‌లో ఆదివారం నామినేషన్ పత్రాలు అందజేశారు.

హైదరాబాద్, ఏప్రిల్ 16: ఇంటెలిజెన్స్ నిఘా వర్గాలకు విమానాలను హైజాక్ చేయాలన్న కుట్ర సమాచారం అందిన నేపథ్యంలో ఆదివారం హైదరాబాద్ సహా పలు విమానాశ్రయాల్లో భద్రతను కట్టుదిట్టం చేశారు. విమానాశ్రయ భద్రత సంస్థలకు అందిన సమాచారం మేరకు ముంబై, చెన్నై, హైదరాబాద్, విశాఖపట్నం విమానాశ్రయాల్లో హై అలర్ట్ ప్రకటించారు.

హైదరాబాద్, ఏప్రిల్ 16: బిసి రిజర్వేషన్లను 25 శాతం నుంచి 52 శాతానికి పెంచాలని అసెంబ్లీలో టిడిపి ఎమ్మెల్యే, బిసి సంక్షేమ సంఘం అధ్యక్షుడు ఆర్.కృష్ణయ్య రాష్ట్ర ప్రభుత్వాన్ని డిమాండ్ చేశారు. ఆదివారం అసెంబ్లీ సమావేశంలో రిజర్వేషన్ల బిల్లుపై ఆర్.కృష్ణయ్య మాట్లాడుతూ బిసి రిజర్వేషన్లు పెంచకుండా ఇతర రిజర్వేషన్లను పెంచడం పట్ల బిసిల్లోని 98 ఉప కులాల వారు ఆందోళన చెందుతున్నారని చెప్పారు.