హైదరాబాద్, ఏప్రిల్ 14: తెలంగాణ రాష్ట్రంలో నిర్వహించిన గ్రూప్-2 ఫలితాలను నేడో రేపో విడుదల చేసేందుకు పబ్లిక్ సర్వీసు కమిషన్ ఏర్పాట్లు చేసింది. గతంలో విడుదల చేసిన తాత్కాలిక కీపై అభ్యర్ధుల అభ్యంతరాలను పరిగణనలోకి తీసుకుని తుది కీ రూపొందించిన కమిషన్ ఆ కీ ప్రాతిపదికగా గ్రూప్-2 ఫలితాలను సిద్ధం చేసింది. ఫలితాలను త్వరలో విడుదల చేస్తామని కమిషన్ చైర్మన్ ప్రొఫెసర్ చక్రపాణి తెలిపారు.

హైదరాబాద్, ఏప్రిల్ 14: తెలంగాణలోని ప్రైవేటు పాఠశాలల్లో ఫీజుల నియంత్రణ ముసాయిదా సిద్ధం అయింది. ఇందుకు సంబంధించి ఉస్మానియా యూనివర్శిటీ మాజీ వైస్ చాన్సలర్ ప్రొఫెసర్ టి తిరుపతిరావు అధ్యక్షతన ఏర్పాటయిన ఉన్నతస్థాయి కమిటీ తన నివేదికను నేడో రేపో ముఖ్యమంత్రి కె చంద్రశేఖరరావుకు అందించనుంది. ఈ నివేదిక ఆధారంగా ప్రభుత్వం ఉత్తర్వులు జారీ చేయనుందని తెలిసింది.

హైదరాబాద్, ఏప్రిల్ 14: ముఖ్యమంత్రి చంద్రశేఖరరావుకు రైతులపై ప్రేమ పుట్టుకొచ్చి సబ్సిడీ రూపేణా ఎరువులను ఉచితంగా సరఫరా చేస్తానని చెప్పడం కిందిస్థాయిలో ఈ ప్రభుత్వం మీద రైతు వ్యతిరేకత స్పష్టంగా కనిపించడం వల్లనే రైతులకు అనుకూలమని, దేశంలో ఎక్కడా లేని విధంగా ఉచితంగా ఎరువులు సరఫరా చేస్తామని ప్రకటించినట్టు తెలుస్తోందని బిజెపి జాతీయ కార్యవర్గ సభ్యుడు ఎన్ ఇంద్రసేనారెడ్డి ఆరోపించారు.

హైదరాబాద్, ఏప్రిల్ 13: భారతదేశానికే హైదరాబాద్ తలమానిక నగరమని 21వ శతాబ్దంలో తనకంటూ ఒక చోటును తన నైపుణ్యాలతో చెక్కుకుందని ఉప రాష్టప్రతి హమీద్ అన్సారీ అన్నారు. వౌలానా అజాద్ నేషనల్ ఉర్దూ యూనివర్శిటీ నిర్వహించిన కులీ కుతుబ్‌షా స్మారక కార్యక్రమంలో ప్రధాన ఉపన్యాసం చేసిన అన్సారీ సహనం, సహజీవనం, సాంస్కృతిక సొబగు, సంక్రమిత సంప్రదాయం మేళవించిన హైదరాబాద్ తరతరాలుగా తన ప్రత్యేకతను చాటుకుంటూనే వస్తోందన్నారు.