హైదరాబాద్, ఫిబ్రవరి 22: ‘రాష్ట్ర ప్రభుత్వం నిరంకుశంగా వ్యవహారించింది’ అని టిజెఎసి చైర్మన్ ప్రొఫెసర్ ఎం కోదండరామ్ పోలీసు స్టేషన్ నుంచి విడుదలయ్యాక ఆగ్రహంతో వ్యాఖ్యానించారు. బుధవారం ఉదయం పోలీసులు ఆయనను అరెస్టు చేసి కామాటిపురా పోలీసు స్టేషన్లో సాయంత్రం వరకు ఉంచారు. సాయంత్రం విడుదలైన తరువాత మీడియాతో మాట్లాడేందుకూ పోలీసులు అవకాశం ఇవ్వకుండా ఆయన్ను తార్నాకలోని నివాసానికి తరలించారు.

హైదరాబాద్‌: నిరుద్యోగుల ర్యాలీ సందర్భంగా ఉస్మానియా విశ్వవిద్యాలయంలో ఉద్రిక్తత వాతావరణం నెలకొంది. తెలంగాణ నిరుద్యోగ సమస్యపై నేడు ర్యాలీ నిర్వహించాలని రాజకీయ ఐకాసా ఛైర్మన్‌ కోదండరామ్‌ పిలిపునిచ్చారు. ఈ నేపథ్యంలో ఆయన్ను బుధవారం తెల్లవారు జామున పోలీసులు అరెస్టు చేశారు.

హైదరాబాద్, ఫిబ్రవరి 21: ఉమ్మడి ఆంధ్రప్రదేశ్‌లో తెలంగాణ ఉద్యమ సమయంలో టెన్షన్ ఉన్నట్లు ఇప్పుడు మళ్లీ ఉద్రిక్త వాతావరణం నెలకొంది. టి.జెఎసి చైర్మన్ ప్రొఫెసర్ ఎం.కోదండరామ్‌ను పోలీసులు దాదాపు గృహ నిర్బంధం చేశారు. బుధవారం ఉదయం ఆయన ఇంటి నుంచి బయటకు వచ్చి, సుందరయ్య విజ్ఞాన కేంద్రం వైపు వెళ్ళే ప్రయత్నం చేస్తే అరెస్టు చేసేందుకు పోలీసులు ఆయన ఇంటి వద్ద సిద్ధంగా ఉన్నారు.

హైదరాబాద్, ఫిబ్రవరి 21: జీవో 123 ప్రకారం భూ సేకరణను నిలుపుదల చేస్తూ జనవరి 5న ఇచ్చిన స్టేను సవరించేందుకు హైకోర్టు మంగళవారం సంసిద్ధత వ్యక్తం చేసింది. తాత్కాలిక ప్రధాన న్యాయమూర్తి జస్టిస్ రంగనాథన్, జస్టిస్ షమీమ్ అఖ్తర్ కేసును విచారించారు. భూ నిర్వాసితులకే కాకుండా వివిధ వృత్తులపై ఆధారపడి జీవించే వారికి పునరావసం కోసం ప్రభుత్వం జీవో 38ని జారీ చేసింది.