హైదరాబాద్, ఫిబ్రవరి 23: గౌతమ బుద్ధుడు చూపిన శాంతి మార్గంలోనే ముఖ్యమంత్రి కెసిఆర్ తెలంగాణ ఉద్యమాన్ని నిర్వహించి, తెలంగాణను కలను సాకారం చేశారని శాసన సభ స్పీకర్ మధుసూదనాచారి తెలిపారు. రెండు రోజులపాటు జరిగే అంతర్జాతీయ బౌద్ధ ఉత్సవాలను హైదరాబాద్‌లోని హరిత ప్లాజాలో స్పీకర్ గురువారం ప్రారంభించారు.

న్యూఢిల్లీ, ఫిబ్రవరి 23: మహారాష్టల్రోని మున్సిపల్, స్థానిక సంస్థల ఎన్నికల్లో బిజెపి గెలుపొందటంపట్ల కేంద్ర కార్మిక శాఖ మంత్రి బండారు దత్తాత్రేయ హర్షం వ్యక్తం చేశారు. గురువారం దత్తాత్రేయ విలేఖరులతో మాట్లాడుతూ నరేంద్ర మోదీ పారదర్శక పాలనకు ఈ ఫలితాలు నిదర్శనమని వ్యాఖ్యనించారు. ఈ ఫలితాలను చూసైనా కాంగ్రెస్ పార్టీ ఉపాధ్యక్షుడు రాహుల్ గాంధీ, ఆ పార్టీ గుణపాఠం నేర్చుకోవాలని దత్తాత్రేయ హితవు పలికారు.

హైదరాబాద్, ఫిబ్రవరి 23: అరుదైన ‘అలగిల్లే సిండ్రోమ్’ అనే జన్యు సంబంధిత వ్యాధితో బాధపడుతున్న హైదరాబాద్ నగరానికి చెందిన ఐదేళ్ల చిన్నారి పార్వతి రోహ్రోకి అపోలో వైద్య నిపుణుల బృందం ఒకేసారి కాలేయ మార్పిడి, ఓపెన్ హార్ట్ సర్జరీ నిర్వహించారు. వైద్య చరిత్రలోనే ఈ సర్జరీ అరుదైనదిగా వైద్యనిపుణులు చెబుతున్నారు.

హైదరాబాద్, ఫిబ్రవరి 23: ఎండాకాలంలో వడగాడ్పుల వల్ల నష్టం జరగకుండా చూసేందుకు రాష్ట్ర ప్రభుత్వాలు, భారత వాతావరణ శాఖ, స్వచ్ఛంద సేవాసంస్థల సహకారం తీసుకోవాలని నేషనల్ డిజాస్టర్ మేనేజ్‌మెంట్ అథారిటీ (ఎనిడిఎంఎ) నిర్ణయించింది. ఎన్‌డిఎంఎ నేతృత్వంలో హైదరాబాద్‌లోని మర్రి చెన్నారెడ్డి మానవ వనరుల అభివృద్ధి సంస్థ (ఎంసిఆర్ హెచ్‌ఆర్‌డి)లో నిర్వహించిన రెండురోజుల వర్క్‌షాప్ గురువారం ముగిసింది.