హైదరాబాద్: నల్లకుంట పీఎస్‌ పరిధిలోని అడిక్‌మెట్‌లో సోమవారం ఉదయం కిడ్నాపైన చిన్నారి హర్షిత కిడ్నాప్ కథ సుఖాంతమైంది. చెవి కమ్మలు తీసుకుని అంబర్‌పేటలో హర్షితను అగంతక మహిళ వదిలివెళ్లిపోయింది. తమ కూతురు కనిపించకపోవడంతో తల్లిదండ్రులు పోలీసులకు ఫిర్యాదు చేశారు. చిన్నారి హర్షిత అంబర్ పేటలో కనిపించినట్లు పోలీసులు తెలిపారు. హర్షితను తల్లిదండ్రులకు అప్పగించారు.

హైదరాబాద్‌: గ్యాంగ్‌స్టర్‌ నయీంతో సంబంధం ఉన్న నేతలు, అధికారులందరినీ అరెస్టు చేయాలని, నయీం ముఠా సభ్యులందర్నీ అరెస్టు చేయాలని మావోయిస్టు నేత జగన్‌ ప్రభుత్వాన్ని కోరారు.

హైదరాబాద్: నగర శివారులోని వనస్థలిపురం వద్ద జహంగీర్ కాలనీలో సోమవారం ఉదయం ఓ మహిళ మెడలోని గొలుసును లాక్కుని వెళ్లేందుకు కొందరు దుండగులు విఫలయత్నం చేశారు. ఆ మహిళ ప్రతిఘటించడంతో దుండగులు బైక్‌పై పరారయ్యారు. వారి ఆచూకీ కోసం పోలీసులు గాలిస్తున్నారు.

హైదరాబాద్‌ : నగర శివారు కాటేదాన్‌లోని ఆనంద్‌నగర్‌లో ప్లాస్టిక్‌ పరికరాల తయారీ కంపెనీలో సోమవారం భారీ అగ్నిప్రమాదం సంభవించింది. అగ్నిమాపక అధికారులు మంటలను అదుపులోకి తెచ్చేందుకు ప్రయత్నిస్తున్నారు. కార్మికులు విధుల్లో లేకపోవడంతో ప్రాణనష్టం తప్పింది. విద్యుదాఘాతం వల్లనే ఈ ప్రమాదం సంభవించి ఉండొచ్చని అనుమానిస్తున్నారు,