హైదరాబాద్, ఫిబ్రవరి 27: ఢిల్లీలో అల్లర్ల వెనుక మత ఛాందసవాదుల ప్రమేయం ఉందని సీపీఐ నేతలు గురువారం నాడు ఆగ్రహం వ్యక్తం చేశారు. ఢిల్లీలో అల్లర్లకు, అల్లకల్లోలానికి కారణమైన హోం మంత్రి అమిత్ షా తక్షణమే రాజీనామా చేయాలని వారు డిమాండ్ చేశారు. సీపీఐ రాష్ట్ర సమితి ఆధ్వర్యంలో హైదరాబాద్ హిమాయత్ నగర్ వై జంక్షన్ వద్ద హోం మంత్రి అమిత్ షా దిష్టిబొమ్మను దగ్ధం చేశారు.

హైదరాబాద్, ఫిబ్రవరి 27: తెలంగాణ పోలీసులు టీఆర్‌ఎస్ కార్యకర్తల మాదిరి వ్యవహరిస్తున్నారని బీజేపీ మహిళా మోర్చ అధ్యక్షురాలు ఆకుల విజయ ఆరోపించారు. గురువారం నాడు మీడియాతో మాట్లాడుతూ పోలీసులు ఖాకీ చొక్కా వదిలి పింక్ షర్టు వేసుకున్నట్టు వ్యవహరిస్తున్నారని ఆమె ఎద్దేవా చేశారు.

హైదరాబాద్, ఫిబ్రవరి 27: పెన్షనర్ల సమస్యలను పట్టించుకుని వాటిని పరిష్కరించాలని ఉపాధ్యాయ సంఘాల నాయకులు ముఖ్యమంత్రి కేసీఆర్‌ను కోరారు. క్షేత్ర స్థాయిలో ఉద్యోగులు, ఉపాధ్యాయులు, పెన్షనర్లు ప్రభుత్వ వైఖరి పట్ల తీవ్రమైన అసంతృప్తితో ఉన్నారని వారి ఆకాంక్షలకు అనుగుణంగా హక్కుల సాధనకై ఐక్యపోరాటానికి ఉద్యమ కార్యాచరణ రూపొందిస్తామని వారు చెప్పారు.

హైదరాబాద్, ఫిబ్రవరి 27: తనను రకరకాల కేసులతో వేధించినా, భయపెట్టినా, వెనకాడే ప్రసక్తిలేదని, ప్రజా సమస్యల సాధనకు దేనికైనా సిద్ధమని కాంగ్రెస్ ఎంపీ రేవంత్ రెడ్డి అన్నారు. గురువారం ఆయన ఇక్కడ నగరంలో కుత్బుల్లాపూర్ నియోజకవర్గంలో పర్యటించారు. ఈ సందర్భంగా ఆయన మాట్లాడుతూ పోలీసులు కేసులు పెట్టి వేధిస్తే తాను భయపడుతానని కేసీఆర్ అనుకుంటే అంతకంటే పిచ్చి భ్రమ మరొకటి ఉండదన్నారు.