S ,7 à 8 RSCA (si SASPAS) et 6 cialis pharmacie cialis rapports de stage.
ఎన్టీఆర్ హీరోగా నటిస్తున్న జనతా గ్యారేజ్ షూటింగ్ శరవేగంగా జరుపుకుంటోంది. కొరటాల శివ దర్శకత్వంలో తెరకెక్కుతున్న ఈ సినిమా ప్రస్తుతం హైదరాబాద్‌లో చిత్రీకరణ జరుపుతున్నారు. ఈనెలాఖరు వరకు జరిగే షెడ్యూల్‌తో సినిమా చిత్రీకరణ పూర్తవుతుందని తెలిసింది. ఆ తర్వాత పాటల్ని చిత్రీకరించి, ఆగస్టు 12న చిత్రాన్ని విడుదల చేయడానికి సన్నాహాలు చేస్తున్నారు.
ఉపేంద్ర, సలోని, రాగిణి ద్వివేది ప్రధాన పాత్రల్లో శ్రీనివాసరాజు దర్శకత్వంలో కన్నడంలో రూపొందిన ‘శివం’ చిత్రాన్ని శ్రీ తారకరామా పిక్చర్స్ పతాకంపై బ్రాహ్మణ పేరుతో విడుదల చేస్తున్నారు. నిర్మాతలు విజయ్ ఎం, గుర్రం మహేష్‌చౌదరి. ఈ చిత్రంలోని ట్రైలర్‌ను గురువారం హైదరాబాద్‌లో ఆవిష్కరించారు. ప్రముఖ నటుడు శ్రీకాంత్ ట్రైలర్‌ను విడుదల చేశారు.
ప్రముఖ నటుడు సూర్య హీరోగా హరి దర్శకత్వంలో తెరకెక్కుతున్న చిత్రం ‘సింగం-3’. తమిళంతోపాటు తెలుగులోను రూపొందుతున్న ఈ చిత్రం షూటింగ్ చివరి దశకు చేరుకుంది. త్వరలోనే పాటల చిత్రీకరణ కూడా జరపనున్నారట. తెలుగు, తమిళ భాషల్లో విడుదలైన ‘సింగం’, ‘సింగం-2’ చిత్రాలు ఘన విజయం సాధించడంతో వాటికి మించిన కమర్షియల్ హంగులతో ఈ చిత్రాన్ని తెరకెక్కిస్తున్నారు.
వరుణ్‌తేజ్ కథానాయకుడిగా శేఖర్ కమ్ముల దర్శకత్వంలో నిర్మాత రాజు రూపొందిస్తున్న తాజా చిత్రంలో కథానాయికగా ‘ప్రేమమ్’ చిత్ర హీరోయిన్ సాయి పల్లవి నటించనున్నారు. త్వరలో సెట్స్‌కు వెళ్లనున్న ఈ చిత్రం ఓ అమెరికా అబ్బాయి, తెలంగాణ అమ్మాయికి మధ్య జరిగే ప్రేమకథగా రూపొందనుంది. ఈ సందర్భంగా నిర్మాత రాజు మాట్లాడుతూ, శేఖర్ కమ్ముల ఓ మంచి కథ చెప్పారని, జూలై 25న ఈ షూటింగ్ ప్రారంభం కానుందని తెలిపారు.
‘రాణా’, ‘లక్ష్మీకల్యాణం’ చిత్రాలతో పరిచయమైన కాజల్, మగధీర చిత్రంతో టాప్ హీరోయిన్‌గా ఎదిగింది. దాదాపు కెరీర్‌ను ఇన్నాళ్లూ నెంబర్‌వన్ స్థానంలోనే గడిపిన కాజల్‌కు కష్టాలు మొదలయ్యాయి. ఆమె ఇటీవల నటించిన చిత్రాలేవీ బాక్సాఫీస్ దగ్గర గలగలలాడడం లేదు. ఇక కాజల్ కెరీర్ ముగిసినట్లేనా, ఇక అంతేనా అన్నట్లుగా టాలీవుడ్‌లో గుసగుసలు వినిపిస్తున్నాయి.
కోడి రామకృష్ణ దర్శకత్వంలో తెలుగు, కన్నడ భాషల్లో పెన్ మూవీస్, ఇన్‌బాక్స్ పిక్చర్స్, బ్లాక్‌బస్టర్ స్టూడియో పతాకాలపై జయంతి లాల్‌గాడా, సాజిద్ ఖురేషి, సోహైల్ అన్సారి రూపొందిస్తున్న చిత్రం ‘నాగాభరణం’. దిగంత్, రమ్య ప్రధాన తారాగణంగా నటిస్తున్న ఈ చిత్రానికి సంబంధించిన పోస్ట్ ప్రొడక్షన్ కార్యక్రమాలు జరుగుతున్నాయి.
విజయ్‌కాంత్ కథానాయకుడిగా సెవెంత్ ఛానల్ సమర్పణలో బాలాజీ అందిస్తున్న చిత్రం ‘కాశీ విశ్వనాధ్’. ఉదయన్ దర్శకత్వంలో రూపొందిన ఈ చిత్రాన్ని ఈనెల 24న విడుదల చేయడానికి సన్నాహాలు చేస్తున్నారు. ఈ సందర్భంగా నిర్మాత మాట్లాడుతూ, గతంలో విజయ్‌కాంత్ చిత్రాలలాగే ఈ సినిమా కూడా ప్రేక్షకులకు నచ్చుతుందని, కంప్లీట్ యాక్షన్ ప్యాక్డ్ ఎంటర్‌టైనర్‌గా రూపొందిన ఈ సినిమాలో ప్రతి సన్నివేశం హైలెట్‌గా వుంటుందని తెలిపారు.
ముంబయినుండి తెలుగులోకి ఎంట్రీ ఇచ్చిన రాధికా ఆప్టే నటనలో తనకు ఎలాంటి అభ్యంతరాలు లేవని, గతంలో చెప్పింది చెప్పినట్లుగానే చేస్తోంది. అయితే ఆమెకు గుర్తింపు మాత్రం లేటుగా వచ్చినా నటనకు ఆస్కారమున్న పాత్రలే లభిస్తున్నాయి. ప్రస్తుతం రజనీకాంత్‌తో ‘కబాలి’ చిత్రంలో ఆమె నటిస్తోంది. గ్లామర్‌ను ఒలకబోయడానికి ఎటువంటి అభ్యంతరాలు పెట్టదు.
‘బాహుబలి’ సీక్వెల్‌లో రోజుకొక కథానాయిక చేరుతోంది. ఇప్పటికే అనుష్క, తమన్నా మొదటి బ్యాచ్‌లో పరిచయమయ్యారు. ఇప్పుడు రెండో సగంలో రాణా భార్యగా శ్రీయ నటించనున్నట్లు ఆమధ్య వార్తలొచ్చాయి. అయితే శ్రీయను ఎంపిక చేయలేదని చిత్ర యూనిట్ వర్గాలు తెలిపాయి.
హైదరాబాద్: రాజకీయాల్లో రాణించాలంటే ఎవరికైనా ఓర్పు, సహనం అవసరమని కేంద్ర మంత్రి వెంకయ్యనాయుడు అన్నారు. ఇక్కడి మాదాపూర్‌లో శుక్రవారం సాయంత్రం తన గౌరవర్థాం జరిగిన ఆత్మీయసభలో ఆయన మాట్లాడుతూ, ప్రస్తుత రాజకీయాల్లో పరస్పరం మర్యాదలు పాటించాలన్నారు. పెద్దల నుంచి ఎన్నో విషయాలను నేర్చుకున్నందునే తాను జీవితంలా ఇంతగా ఎదిగానన్నారు. రాజ్యసభకు నాలుగోసారి ఎన్నికైనందుకు ఆయనను ఘనంగా సత్కరించారు.