రామాయంపేట, జూన్ 17: వాటర్ ట్యాంకర్ తండ్రీకొడుకుల పాలిట మృత్య శకటమైంది. బందువుల ఇంట్లో జరిగే శుభకార్యానికి కొద్ది సేపట్లో వెళ్లాల్సిన వారు రోడ్డు ప్రమాదంలో విగతజీవులుగా మారారు. ట్యాంకర్ డ్రైవర్ నిర్లక్ష్యం ఆకుటుంబంలో చీకటి నింపింది. శుక్రవారం మెదక్ జిల్లా రామాయంపేటలో జరిగిన రోడ్డు ప్రమాదంలో తండ్రీకొడుకులు మృతి చెందడంతో ఆప్రాంతమంతా రోదనలతో మారుమ్రోగింది.

కుభీర్, జూన్ 17: కుభీర్ మార్కెట్ కమిటీ చైర్మన్‌గా పార్డి (బి) గ్రామానికి చెందిన తూము లక్ష్మిబాయి నియామతులయ్యారు. ఈ మేరకు ప్రభుత్వం నుండి ఉత్తర్వులు వెలువడ్డాయి. వైస్ చైర్మన్‌గా దొంతుల గంగాధర్, డైరెక్టర్లుగా ఎండి ఇక్రమొద్దిన్, మల్లారెడ్డి, జాదవ్ కైలాస్‌సింగ్, సూర్యవంశీ బాపురావు, బాబా, సంతోష్, ఎ.సాయినాథ్ నియామకం జరిగింది. ఒకటి రెండు రోజుల్లో అధికారికంగా ప్రకటన వెలువడే అవకాశం ఉంది.

ఆదిలాబాద్ రూరల్, జూన్ 17: పోలీసుల సంక్షేమానికి అన్ని విధాల చర్యలు తీసుకుంటున్నట్లు ఎస్పీ విక్రమ్‌జిత్ దుగ్గల్ అన్నారు. శుక్రవారం స్థానిక పోలీసు క్యాంపు కార్యాలయంలో బాధిత పోలీసు కానిస్టేబుల్ భార్య కె.రజితకు రూ.5 లక్షల 5వేల చెక్కును ఎస్పీ అందజేశారు.

బాసర, జూన్ 17: తెలంగాణ రాష్ట్రంలోని ఏకైక చదువుల తల్లి కొలువైన బాసర క్షేత్రం భక్తజన జాతరగా మారింది. ఆలయ అధికారుల నిర్లక్ష్యం భక్తులకు శాపంగా మారింది. బాసర సరస్వతి దేవి అమ్మవారిని దర్శించుకునేందుకు తెలుగు రాష్ట్రాల నుండే కాక మహారాష్ట్ర నుండి సైతం భక్తులు తండోపతండాలుగా తరలివచ్చారు. ఉదయం నుండి మధ్యాహ్నం వరకు అమ్మవారి దర్శన క్యూలైన్‌లు బారులు తీరాయి.