విజయనగరం, ఫిబ్రవరి 1: జిల్లాలోని తోటపల్లి ప్రాజెక్టు పరిధిలోని ఆయకట్టుకు పూర్తిస్థాయిలో సాగునీరు అందించేందుకు చర్యలు తీసుకోవాలని, ప్రాజెక్టు పరిధిలోని నిర్మాణం పనులను వేగవంతం చేయాలని కలెక్టర్ ఎంఎం నాయక్ తోటపల్లి ప్రాజెక్టు ఇంజనీరింగ్ అధికారులను ఆదేశించారు.

రాజాం, ఫిబ్రవరి 1: ఇక్కడి జిఎన్‌ఆర్ కళాశాల పై అంతస్తులో మరిచర్ల తేజ(20) అనే విద్యార్థి అనుమానాస్పదస్థితిలో మృతి చెందాడు. సోమవారం ఉదయం కళాశాల నిర్వాహకులు దీన్ని గుర్తించారు. తేజ ఈ కళాశాలలో బిఎస్సీ ద్వితీయ సంవత్సరం చదువుతున్నాడు. విజయనగరం జిల్లా తెర్లాం మండలం రాముడువలసకు చెందిన ఈ విద్యార్థి ఎప్పటిలాగే కళాశాలకు ఉదయం 7.30 సమయంలో వచ్చినట్లు తోటి విద్యార్థులు చెబుతున్నారు.

గూడూరు, ఫిబ్రవరి 1: కేంద్ర ప్రభుత్వం తక్షణమే ఆంధ్రప్రదేశ్ రాష్ట్రానికి ప్రత్యేక హోదా ప్రకటించాలని ఆంధ్రప్రదేశ్ నాన్ పొలిటికల్, నిరుద్యోగ నవ్యాంధ్ర విద్యార్థి జెఎసి నాయకులు డిమాండ్ చేశారు. ఎపికి ప్రత్యేక హోదా డిమాండ్‌తో జనవరి 24న శ్రీకాకుళం నుండి ప్రారంభమైన బస్సు యాత్ర సోమవారం గూడూరు చేరుకుంది. ఎపి అణగారిన వర్గాల సమాఖ్య ఆధ్వర్యంలో వివిధ ప్రజాసంఘాల నాయకులు ఈ యాత్రకు సంఘీభావం తెలిపారు.

ఖమ్మం, ఫిబ్రవరి 1: ఖమ్మం నగరంతో పాటు పట్టణాల్లో ఆదాయ మార్గాలకు గండి కొడుతున్న వారిపై తగిన చర్యలు తీసుకునేందుకు అధికారులు సమాయత్తమవుతున్నారు. నగర, పట్టణ ప్రాంతాల పరిధిలో ఉపగ్రహ ఛాయాచిత్రాలను తీసి తదనునుగుణంగా లెక్కను కట్టనున్నారు. భవన నిర్మాణాలు పూర్తయినా ఆస్థి పన్నుల పరిధిలోకి రాకుండా మున్సిపల్ ఆదాయానికి గండి కొడుతున్న తీరుపై పురపాలక శాఖాధికారులు చర్యలు తీసుకోనున్నారు.