విజయవాడ, డిసెంబర్ 8: రాష్ట్ర ప్రభుత్వానికి 298 కోట్ల రూపాయలను విడుదల చేస్తూ కేంద్ర ప్రభుత్వం శుక్రవారం ఉత్తర్వులు జారీ చేసింది. ప్రస్తుత ఆర్థిక సంవత్సరానికి సంబంధించి 14వ ఆర్థిక సంఘం సిఫారసుల మేరకు రెవెన్యూ ఖాతాలో లోటును సర్దుబాటు చేసేందుకు తీసుకున్న చర్యల్లో భాగంగా డిసెంబర్ నెలకు సంబంధించి ఈ మొత్తాన్ని విడుదల చేసింది.

విజయవాడ, డిసెంబర్ 8: తప్పుడు ఎన్నికల ధ్రువీకరణ పత్రాలు, ఫోర్జరీ సంతకాల నేపథ్యంలో అధ్యక్షుడు మత్తి కమలాకరరావును సంఘం నుంచి తొలగించటం మినహాయించి సంఘంలో ఎలాంటి చీలికలు లేవని, 13 జిల్లాల పీఆర్‌టీయు అధ్యక్షులు, కార్యదర్శులందరూ ఏకతాటిపై ఉన్నారని పీఆర్‌టీయు ఎమ్మెల్సీ ఫ్రంట్ ఫ్లోర్‌లీడర్ గాదె శ్రీనివాసులు నాయుడు అన్నారు.

పోలవరం, డిసెంబర్ 8: జాతీయ జల విద్యుత్ సం స్థ అధికార్ల బృందం పోలవరం ప్రాజెక్టు నిర్మాణ ప్రాం తాల్లో శుక్రవారం పర్యటించింది. ఢిల్లీ నుండి వచ్చిన బృందం సభ్యులు రాష్ట్ర జలవనరుల శాఖ మంత్రి దేవినేని ఉమామహేశ్వరరావుతో కలిసి తొలుత ప్రాజెక్టుకు సంబంధించిన నమూనాలను పరిశీలించారు. అనంతరం డయా ఫ్రం వాల్, స్పిల్‌వే నిర్మాణ ప్రాంతాన్ని, దిగువ కాఫర్ డ్యాం నిర్మాణ పనులను పరిశీలించారు.

విశాఖపట్నం, డిసెంబర్ 8: టెక్నాలజీని మరింతగా ఉపయోగించుకునే నిమిత్తం రాష్ట్ర ప్రభుత్వం ఈ-క్యాబినెట్‌ను ప్రవేశపెడుతుందని మంత్రి గంటా శ్రీనివాసరావు అన్నారు. ఇండియన్ సొసైటీ ఫర్ ట్రైనింగ్ ఇండియన్ అండ్ డెవలెప్‌మెంట్(ఐఎస్‌టీడీ) విశాఖపట్నం చాప్టర్ ఆధ్వర్యంలో నగరం లో ఓ హోటల్‌లో శుక్రవారం నిర్వహించిన జాతీ య హెచ్‌ఆర్ సదస్సులో ఆయన పాల్గొన్నారు. ఈ సందర్భంగా ఆయన విలేఖర్లతో మాట్లాడారు.