విజయవాడ, మే 16: గ్రామాల్లో శాశ్వతంగా మంచినీటి సమస్యను అధిగమించేందుకు ఇకపై విలేజ్ వాటర్ బడ్జెట్‌ను తయారు చేయనున్నట్లు రాష్ట్ర పంచాయితీరాజ్ శాఖ మంత్రి నారా లోకేష్ తెలిపారు. వెలగపూడి సచివాలయంలో ఆయన మంగళవారం పంచాయితీరాజ్, గ్రామీణాభివృద్ధి శాఖల అధికారులతో సమీక్షా సమావేశాన్ని నిర్వహించారు. ఈ సందర్భంగా ఆయన మాట్లాడుతూ నీటి సమస్య పరిష్కారానికి తాత్కాలిక చర్యలతో పాటు శాశ్వత చర్యలూ తీసుకుంటామన్నారు.

అమరావతి, మే 16: రాష్ట్రంలో రైతు సమస్యలపై రాష్ట్ర ప్రభుత్వానికి చిత్తశుద్ధి లేదని ప్రతిపక్ష నేత, వైఎస్‌ఆర్ కాంగ్రెస్ పార్టీ అధ్యక్షుడు వైఎస్ జగన్మోహన్‌రెడ్డి విమర్శించారు. అసెంబ్లీ నిరవధిక వాయిదా అనంతరం జగన్ మీడియా చిట్‌చాట్ చేశారు. ‘ప్రభుత్వానికి పివి సింధు మీద ఉన్న ప్రేమ రైతులపై లేదు. ఒక క్రీడాకారిణిగా ఆమెపై అభిమానం ఉండటంలో తప్పులేదు.

విజయవాడ, మే 16: రాష్ట్రంలో వైద్య విద్యార్థులకు, మహిళలకు వసతి గృహాలు తక్కువగా ఉన్నాయని, వారికి మరింత మెరుగైన వౌలిక సదుపాయాల కల్పనలో భాగంగా పెద్దఎత్తున వసతి గృహాల నిర్మాణం చేపడుతున్నామని వైద్య, ఆరోగ్యశాఖ మంత్రి డాక్టర్ కామినేని శ్రీనివాస్ తెలిపారు. స్థానిక సిద్ధార్థ వైద్య కళాశాల ఆవరణలో రూ.20 కోట్లతో నిర్మించ తలపెట్టిన వసతి గృహాల సముదాయ నిర్మాణ పనులకు మంగళవారం మంత్రి శంకుస్థాపన చేశారు.

అనంతపురం, మే 16: రాయలసీమలో నెలకొన్న కరవు నివారణపై రాష్ట్ర ప్రభుత్వం బూటకపు మాటలతో ప్రజలను మభ్య పెడుతోందని, తక్షణం సీమ కరవుపై దొగొచ్చి బుధవారం సాయంత్రంలోగా స్పష్టమైన ప్రకటన చేయాలని ఉభయ కమ్యూనిస్టు పార్టీల నేతలు అల్టిమేటమ్ ఇచ్చారు. మంగళవారం అనంతపురం కలెక్టరేట్ ఎదుట రాయలసీమ కరవు పరిస్థితులపై రెండు రోజుల ‘సీమ బైఠాయింపు’ నిరసన కార్యక్రమం చేపట్టారు.