అమరావతి, మే 15: జగన్ ఇచ్చిన వినతిపత్రాన్ని ప్రధాని లీక్ చేయాలి. ఆయన ఆ పని చేయరు. ఇక చేస్తే జగన్ చేయాలి. ఆయనకు ఆ అవసరం ఉండదు. ఇక లీక్ ఎవరు చేశారు? అంత అవసరం ఎవరికి ఉంటుంది? పీఎంఓతో సన్నిహితంగా వ్యవహరించేంత ప్రభావశాలురు ఎవరు? అసలు ఆ వినతిపత్రం మీడియాకు ఎలా వచ్చింది? ఎవరి ద్వారా అందింది? ఏ స్థాయిలో అది లీకయింది?

విజయవాడ, మే 15: కాలుష్య రహిత పరిశ్రమలు, కార్మికుల భద్రత కోసం కొత్త చట్టం రూపొందించేందుకు ప్రభుత్వం కృషి చేస్తోంది. దీని కోసం కార్మిక శాఖ మంత్రి పితాని సత్యనారాయణ, అటవీశాఖ మంత్రి శిద్దా రాఘవరావు, పరిశ్రమల శాఖ మంత్రి అమర్‌నాథ్‌రెడ్డిలతో కూడిన సబ్ కమిటీ సోమవారం సచివాలయంలో సమావేశమైంది.

గుంటూరు, మే 15: మిర్చి రైతుల వెతలు తీరటంలేదు.. ప్రభుత్వాలు మద్దతు ప్రకటిస్తున్నా..ప్రతిపక్షాలు ఆందోళన చేపడుతున్నా.. గిట్టు బాటు ధర ఎండమావిగా మారుతోంది.. తెలుగు రాష్ట్రాలకు కేంద్ర ప్రభుత్వం ప్రకటించిన 5వేల మద్దతుధరతో పాటు 1250 రవాణా ఖర్చులు ఇప్పటి వరకు ఏ ఒక్క రైతు దరి చేరలేదు.. రాష్ట్ర ప్రభుత్వం ప్రకటించిన 15 వందల చంద్రన్న రాయితీ పథకంలో అడుగడుగునా రైతు దగా పడుతున్నాడు..

రాజమహేంద్రవరం, మే 14: రాజమహేంద్రవరం పేపర్‌మిల్లులో తొలగించిన 10 మంది కార్మికులకు న్యాయం చేసేందుకు చర్యలు తీసుకుంటామని రాష్ట్ర కార్మిక, ఉపాధి కల్పనా, పరిశ్రమల శాఖ మంత్రి పితాని సత్యనారాయణ పేర్కొన్నారు. రాజమహేంద్రవరం జెకె గార్డెన్స్‌లో ఆదివారం గౌడ, శెట్టిబలిజ ప్రజా ప్రతినిధుల ఆత్మీయ సభకు ముఖ్య అతిథిగా హాజరైన మంత్రి పితాని సత్యనారాయణ మీడియాతో మాట్లాడారు.