రాజమహేంద్రవరం, మే 15: రాజమహేంద్రవరం నగరంలో పింఛన్ల బాగోతం బయటపడింది. వైసిపి, స్వతంత్ర అభ్యర్థి ప్రాతినిధ్యం వహించే వార్డుల్లో మృతిచెందిన లబ్ధిదారుల పేరిట పింఛన్లు దిగమింగారు. ఈ వ్యవహారం సోమవారం జరిగిన రాజమహేంద్రవరం నగరపాలక సంస్థ కౌన్సిల్ సమావేశంలో రగడ సృష్టించింది. రాజమహేంద్రవరం నగరపాలక సంస్థ కౌన్సిల్ సాధారణ సమావేశం మేయర్ పంతం రజనీ శేషసాయి అధ్యక్షతన సోమవారం జరిగింది.

విజయవాడ, మే 15: వస్తు, సేవల పన్ను (జిఎస్‌టి)పై ఎమ్మెల్యేలు, ఎమ్మెల్సీలకు వెలగపూడి సచివాలయంలో సోమవారం అవగాహన సదస్సు నిర్వహించారు. జిఎస్‌టి వల్ల దేశానికి, రాష్ట్రానికి కలిగే లాభాల గురించి పార్లమెంట్ రీసెర్చి సర్వీస్ సభ్యులువివరించారు. ఇప్పటికే పార్లమెంట్‌లో అమోదముద్ర పొందిన ఎస్‌జిఎస్‌టి బిల్లును ఆసెంబ్లీలో అమోదించి కేంద్రానికి పంపాల్సి ఉంటుంది.

విజయవాడ, మే 15: వెలగపూడి సచివాలయ ఆవరణలో ఈ నెల 17, 18 తేదీల్లో జరగాల్సిన కలెక్టర్ల సదస్సు వివిధ కారణాల వల్ల వాయిదా పడింది. తిరిగి ఈ నెల 23, 24 తేదీల్లో నిర్వహించాలని తాజాగా ప్రతిపాదించారు. ఈ సదస్సులో జిఎస్‌టిపై కలెక్టర్లకు అవగాహనతోపాటు వచ్చే రెండేళ్లలో ప్రభుత్వం చేపట్టే కార్యక్రమాల గురించి సిఎం దిశా నిర్దేశం చేయనున్నారు.

గుంటూరు, మే 15: విశాఖపట్నంలో ఈ నెల 27, 28, 29 తేదీల్లో జరిగే తెలుగుదేశం పార్టీ మహానాడులో చర్చించాల్సిన అంశాలపై సోమవారం ఇక్కడి రాష్ట్ర పార్టీ కార్యాలయంలో తీర్మానాల కమిటీ సమావేశమైంది. ఎమ్మెల్సీ టిడి జనార్ధన్ అధ్యక్షతన జరిగిన ఈ సమావేశంలో 16 అంశాలను ఎంపిక చేశారు. మొదటగా పార్టీ వ్యవస్థాపకుడు ఎన్టీఆర్‌కు నివాళులర్పించే అంశాన్ని పార్టీ నేత పాటిబండ్ల అనిల్ ప్రతిపాదిస్తారు.