గుంటూరు, మే 16: పొలిటికల్ పంచ్ అడ్మిన్ రవికిరణ్‌కు మంగళగిరి కోర్టు బెయిల్ మంజూరు చేసింది. శాసనమండలికి సంబంధించి అసభ్యకరంగా పోస్ట్ పెట్టారని టిడిపి నాయకుడు టిడి జనార్ధన్ అసెంబ్లీ కార్యదర్శి సత్యనారాయణకు ఫిర్యాదు చేసిన విషయం విదితమే. దీంతో సత్యనారాయణ పోలీసులకు ఫిర్యాదు చేయడంతో రవికిరణ్‌ను విచారణ పేరుతో పలుమార్లు తుళ్లూరు పోలీసుస్టేషన్‌కు రప్పించారు. చివరకు ఆయనను అరెస్ట్ చేశారు.

విజయవాడ, మే 16: అసెంబ్లీ ప్రత్యేక సమావేశం జరిగిన తీరు చూస్తే సిగ్గుగా ఉందని వైసిపి ఎమ్మెల్యే రోజా వ్యాఖ్యానించారు. మంగళవారం ఆమె అసెంబ్లీ లాబీల్లో విలేఖరులతో మాట్లాడుతూ. రైతుల మీద టిడిపి ప్రభుత్వానికి చిత్తశుద్ధి లేదన్నారు. ఇతర పార్టీల ఎమ్మెల్యేలను కోట్లు పెట్టి కొన్నారన్నారు. రైతులకు మాత్రం గిట్టుబాటు ధర కల్పించటం లేదన్నారు.

విజయవాడ, మే 16: రాబోయే 45 రోజులు తనకు చాలా కీలకమని రాష్ట్ర ఐటీ, పంచాయతీరాజ్ శాఖ మంత్రి నారా లోకేష్ చెప్పారు. మంగళవారం ఉదయం ఆయన అసెంబ్లీ ఆవరణలో విలేఖరులతో ఇష్టాగోష్టిగా మాట్లాడారు. ప్రస్తుతం పార్టీ పనులు అన్నీ అధినేత చంద్రబాబునాయుడే చూస్తున్నారన్నారు. మరో 120 రోజుల తర్వాత పార్టీ పనులపై దృష్టి పెడతానన్నారు. తన శాఖపై పట్టు సాధించిన అనంతరం పార్టీ వ్యవహారాలపైనా దృష్టి కేంద్రీ కరిస్తానన్నారు.

విజయవాడ, మే 16: ‘పిలవని పేరంటానికి వెళ్లి ఎన్డీఏకి మద్దతు ప్రకటించి వచ్చి ఇక్కడ రాద్ధాంతం ఎందుకు.. ఇవాళ రైతు సమస్యలపై అసలు వైసిపికి చిత్తశుద్ధే లేదు.. జీఎస్టీ బిల్లు కోసం అంతా ఎదురు చూస్తుంటే, అనుకూలమో, వ్యతిరేకమో చెప్పకుండా సభను అడ్డుకుంటున్నారు.. రాష్టప్రతి అభ్యర్థికి బేషరతు మద్దతు ప్రకటిస్తారు..