విజయవాడ, మార్చి 19: హిందూ ధార్మిక సంస్థలపై ప్రభుత్వాల పెత్తనం వల్ల హిందూ ధర్మానికి హాని జరుగుతోందని పలువురు హిందూ పీఠాధిపతులు, స్వామీజీలు, హిందూ సేవాసంస్థల ప్రతినిధులు ఆందోళన వ్యక్తం చేశారు. ఆంధ్రప్రదేశ్ ఎడిటర్స్ అసోసియేషన్ ఆధ్వర్యాన ఆదివారం గాంధీనగర్‌లో ‘హిందూ ధర్మం- సవాళ్లు- భవిష్యత్’ అనే అంశంపై రాష్టస్థ్రాయి సదస్సు జరిగింది.

తెనాలి, మార్చి 19: రాష్ట్ర విభజన సమయంలో నాటి ప్రతిపక్షాలు చేసిన అసత్య ప్రచారమే కాంగ్రెస్ పార్టీని దెబ్బతీసిందని తమిళనాడు మాజీ గవర్నర్, ఆంధ్రప్రదేశ్ మాజీ ముఖ్యమంత్రి కొణిజేటి రోశయ్య అన్నారు. గుంటూరు జిల్లా తెనాలిలో కాంగ్రెస్ డాక్టర్స్ సెల్ ఆధ్వర్యంలో ఆదివారం జరిగిన ఓ కార్యక్రమంలో ఆయన మాట్లాడారు. విభజన వాస్తవాలను ప్రజలు త్వరలోనే తెలుసుకుంటారని రోశయ్య వ్యాఖ్యానించారు. ఆ నమ్మకం తమకుందని చెప్పారు.

విజయవాడ, మార్చి 19: ఉత్తరప్రదేశ్ ముఖ్యమంత్రి యోగి ఆదిత్యనాథ్ ప్రమాణ స్వీకారోత్సవానికి ముఖ్యమంత్రి చంద్రబాబు నాయుడు ఆదివారం హాజరయ్యారు. బిజెపి అగ్ర నాయకత్వం ఆహ్వానం మేరకు ప్రమాణ స్వీకారోత్సవ సభకు హాజరయ్యేందుకు చంద్రబాబు వెళ్లారు. లక్నోలో జరిగిన కార్యక్రమంలో ఈసందర్భంగా ఆదిత్యనాథ్‌కు చంద్రబాబు శుభాకాంక్షలు తెలిపారు. రాష్ట్ర ఆర్థిక మంత్రి యనమల రామకృష్ణుడు కూడా ముఖ్యమంత్రి వెంట ఉన్నారు.

తిరుపతి, మార్చి 19: వచ్చే ఏడాది నాటికి దేశ వ్యాప్తంగా 20 కోట్ల మంది కార్మికులకు ఇఎస్‌ఐ ద్వారా మెరుగైన వైద్య సేవలు అందించేందుకు ప్రణాళికలు రూపొందిస్తున్నామని కేంద్ర కార్మిక ఉపాధికల్పన శాఖ సహాయ మంత్రి బండారు దత్తాత్రేయ తెలిపారు. ఆదివారం స్థానిక నూతన ఇఎస్‌ఐ ఆస్పత్రిని ఆయన పరిశీలించారు.