గుంటూరు, మార్చి 12: నరసరావుపేట ఎంపి రాయపాటి సాంబశివరావు అనారోగ్యంతో బాధపడుతున్నారు. గుంటూరులోని ఓ ప్రైవేటు ఆసుపత్రిలో ఆయన చికిత్స పొందుతున్నారు. వైద్యులు సాధారణ పరీక్షలు నిర్వహించారు. మోకాళ్ల నొప్పులకు సంబంధించి శస్తచ్రికిత్స నిర్వహించాల్సి ఉందని వైద్యులు సూచించారు. రెండురోజుల పాటు పరిశీలనలో ఉంటే తగిన వైద్యం అందించగలమని వైద్యులు తెలిపారు.

విజయవాడ, మార్చి 12: నంద్యాల శాసనసభ్యుడు, తెలుగుదేశం పార్టీ నాయకుడు భూమా నాగిరెడ్డి హఠాన్మరణంపై ముఖ్యమంత్రి నారా చంద్రబాబు నాయుడు దిగ్భ్రాంతి వ్యక్తం చేశారు. ఆయన ఆరోగ్య పరిస్థితిపై కర్నూలు జిల్లా కలెక్టర్‌తో మాట్లాడి ఎప్పటికప్పుడు తెలుసుకున్నానని, ఇంతలోనే విషాద వార్త వినాల్సి వస్తుందని ఊహించలేదన్నారు. భూమా నాగిరెడ్డి కుటుంబానికి తెలుగుదేశం పార్టీతో దశాబ్దాల అనుబంధం ఉందని గుర్తుచేశారు.

విజయవాడ, మార్చి 12: ఆంధ్రప్రదేశ్ సంస్కృతి, చరి త్ర, వారసత్వ సంపదలను నవ్యాంధ్ర రాజధాని అమరావతి నిర్మాణంలో నిక్షిప్తం చేయడానికి ఏర్పాటైన నిష్ణాతుల కమిటీ ఏప్రిల్ మొదటి వారంలోగా కసరత్తును పూర్తిచేయాలని నిర్ణయించింది. మలివిడత సమావేశాల్లో భాగంగా ఆదివారం సిఆర్‌డిఏ కార్యాలయంలో వరుసగా రెండోరోజు భేటీ అయిన ఈ కమిటీ పలు అంశాలపై చర్చించింది.

భీమవరం, మార్చి 12: చాలాకాలంగా అపరిష్కృతంగా ఉన్న తమ సమస్యల సాధనకు పోరాటబాట పట్టాలని రాష్ట్ర దేవాదాయ, ధర్మాదా య శాఖ ఉద్యోగులు నిర్ణయించారు. త్వరలో విధుల బహిష్కరించాలని నిర్ణయించారు. పోరాటానికి వీలుగా రాష్ట్రంలోని అన్ని జిల్లాల్లో సంయుక్త కార్యాచరణ సమితి (జెఎసి)లు ఏర్పాటుచేయాలని నిర్ణయించారు.