విజయవాడ, డిసెంబర్ 12: మాజీ ఎంపి పివి రాజేశ్వరరావు మృతి పట్ల ముఖ్యమంత్రి చంద్రబాబు నాయుడు సంతాపం వ్యక్తం చేశారు. దివంగత మాజీ ప్రధాని పివి నరసింహారావు తనయుడు రాజేశ్వరరావు. ఆయన కుటుంబ సభ్యులకు సానుభూతి తెలిపారు.

విజయవాడ, డిసెంబర్ 12: రాజధాని అమరావతి ప్రాంతంలో పచ్చదనాన్ని పెంపొందించేందుకు ప్రణాళిక సిద్ధం చేయాలని కన్సల్టెంట్‌ను అమరావతి అభివృద్ధి సంస్థ చైర్‌పర్సన్ లక్ష్మీపార్థసారథి సూచించారు. అమరావతి గ్రీన్ కన్సల్టెంట్స్ హెచ్‌సిసి ప్రతినిధులతో విజయవాడ కేదారేశ్వరపేటలోని కార్యాలయంలో సోమవారం సమావేశం జరిగింది. ఈ సందర్భంగా కన్సల్టెన్సీ ప్రతినిధులు వివిధ నమూనాలను వివరించారు.

హైదరాబాద్, డిసెంబర్ 12: చెన్నైలో అక్రమంగా కోట్లాది రూపాయలు పట్టుబడిన, టిటిడి బోర్డు మాజీ సభ్యుడు శేఖర్ రెడ్డికి ఎపి తెలుగు దేశం పార్టీతో సంబంధాలు ఉన్నాయని తూర్పుగోదావరి జిల్లా వైఎస్సార్ కాంగ్రెస్ పార్టీ అధ్యక్షుడు కన్నబాబు ఆరోపించారు. శేఖర్‌రెడ్డితో పాటు ఆయన సన్నిహితులపై నిఘా పెడితే మరింత నల్లధనం బయటకు వచ్చే అవకాశం ఉందని అన్నారు.

విజయవాడ (క్రైం), డిసెంబర్ 11: రవాణా కేంద్రమైన విజయవాడలో టాస్క్ఫోర్స్ పోలీసులు భారీగా గంజాయిని పట్టుకున్నారు. విశాఖ జిల్లా నుంచి దేశ రాజధాని ఢిల్లీకి తరలించే యత్నంలో అక్రమార్కులు అడ్డంగా దొరికిపోయారు. ఐదుగురు వ్యక్తులను అరెస్టు చేసిన పోలీసులు నిందితుల నుంచి 300 కేజీలకు పైగా గంజాయి, రెండు ఖరీదైన కార్లు స్వాధీనం చేసుకున్నారు.