విజయవాడ, డిసెంబర్ 11: నగదు రహిత లావాదేవీలను ప్రోత్సహించే చర్యల్లో భాగంగా 16 వేల ఈ-పోస్ మిషన్ల కోనుగోలుకు ఎపిఎస్ ఆర్టీసీ నిర్ణయించింది. రూపే, క్రెడిట్, డెబిట్ కార్డులను అంగీకరించేందుకు నిర్ణయించిన నేపథ్యంలో ఈ నిర్ణయం తీసుకున్నట్లు సంస్థ ఎండి మాలకొండయ్య తెలిపారు. ఈ-పోస్ యంత్రాలను తెలుగువెలుగు, సిటి బస్సులు, ఎక్స్‌ప్రెస్, ఎసి, అమరావతి, తదితర సర్వీసుల్లో ప్రవేశపెట్టనున్నారు.

కర్నూలు సిటీ, డిసెంబర్ 11 : కేంద్ర, రాష్ట్ర ప్రభుత్వాలకు కౌంట్‌డౌన్ మొదలైందని, ఎక్కువ కాలం ప్రజలు ఓపికతో ఉండలేరని ఖచ్చితంగా తగిన బుద్ధి చెబుతారని కేంద్ర మాజీ మంత్రి కోట్ల జయసూర్యప్రకాష్‌రెడ్డి జోస్యం చెప్పారు. కర్నూలు నగరంలోని కాంగ్రెస్ పార్టీ కార్యాలయంలో ఆదివారం డిసిసి అధ్యక్షుడు లక్ష్మిరెడ్డి అధ్యక్షతన కార్యవర్గ సమావేశం నిర్వహించారు.

కందుకూరు, డిసెంబర్ 11: రాష్ట్ర వ్యాప్తంగా ఎన్నికలు జరగాల్సి ఉన్న పలు కార్పొరేషన్లు, పురపాలక సంఘాలకు త్వరలో ఎన్నికలు జరుగుతాయని రాష్ట్ర పురపాలక శాఖ మంత్రి పి నారాయణ వెల్లడించారు. ఆదివారం ప్రకాశం జిల్లా కందుకూరు పట్టణంలోని పలు ప్రాంతాలను సందర్శించిన ఆయన విలేఖరులతో మాట్లాడారు. కోర్టు వివాదాలు, రిజర్వేషన్లు తదితర సమస్యలపై కొన్ని కోర్టు పరిధిలో ఉన్న కారణంగా ఎన్నికలు నిలిచిపోయాయని అన్నారు.

విజయవాడ, డిసెంబర్ 11: అగ్రిగోల్డ్ ఆస్తుల వేలంలో కేంద్ర, రాష్ట్ర ప్రభుత్వ సంస్థలు భాగస్వాములై ప్రతినెలా కనీసం వెయ్యి నుంచి రెండు వేల కోట్ల ఆస్తులను వేలం వేయించడం ద్వారా బాధితులకు సత్వర న్యాయం చేకూర్చాలని బాధితుల సంఘం గౌరవాధ్యక్షుడు ముప్పాళ్ల నాగేశ్వరరావు డిమాండ్ చేసారు. ఈమేరకు ముఖ్యమంత్రి చంద్రబాబు నాయుడుకు లేఖ రాస్తున్నామని తెలిపారు.