అనంతపురం, నవంబర్ 20 : అనంతపురం నగరంలో ఆదివారం అధికారులు రోడ్ల విస్తరణకు పూనుకోగా స్థానికులు అడ్డుకోవడంతో ఉద్రిక్త పరిస్థితులు నెలకొన్నాయి. ప్రభుత్వ ఆదేశాల మేరకు కలెక్టర్ కోన శశిధర్ సూచనలతో నగరపాలక సిబ్బంది పోలీసుల సహాయంతో నగరంలోని తిలక్‌రోడ్డులో ఆక్రమిత స్థలాల్లోని భవనాలను కూలదోసేందుకు యత్నించారు. దీంతో స్థానికులు జెసిబిని అడ్డుకుని ఆందోళనకు దిగారు.

విజయవాడ, నవంబర్ 20: చౌక ధరల దుకాణాలకు వెళ్లి, సరకులను తీసుకువెళ్లలేని వారి కోసం అమలు చేస్తున్న మీ ఇంటికి మీ రేషన్ పథకం ఆశించిన ఫలితాలను ఇస్తున్నది. రాష్ట్రంలో 57 వేల మంది ఈ పథకం కింద లబ్ధిపొందుతున్నారు. ప్రజా సంక్షేమానికి పెద్ద పీట వేస్తున్న రాష్ట్ర ప్రభుత్వం ప్రజా పంపిణీ వ్యవస్థపై దృష్టి సారించింది. సరకుల ప పంపిణీలో జరుగున్న అక్రమాలకు తెరదించేందుకు ఇ-పోస్ విధానాన్ని అమల్లోకి తెచ్చింది.

తిరుపతి, నవంబర్ 20: తిరుమలలోని పార్వేటి మండపం వద్ద ఆదివారం కార్తీక వనభోజనం ఘనంగా జరిగింది. సర్వాలంకరణ భూషితుడైన శ్రీనివాసుడు గజ వాహనంపై కొలువుదీరి ముందుభాగాన కదులుతుంటే, వెనుక పల్లకిపై శ్రీదేవి, భూదేవిలు మందగమనంతో స్వామిని అనుసరించారు. వాహన మండపం నుంచి బయలుదేరిన స్వామిని భక్తుల గోవిందనామ స్మరణల నడుమ పార్వేటి మండపం వద్దకు తీసుకువచ్చారు.

పినపాక, నవంబర్ 20: అతివేగంగా వెళ్తున్న ఇసుక లారీని ద్విచక్రవాహనం ఢీకొట్టడంతో ముగ్గురు యువకులు మృతి చెందిన సంఘటన ఆదివారం మండల భద్రాద్రి కొత్తగూడెం జిల్లా దుగినేపల్లి పంచాయతీ చేగరిసెల గ్రామంలో జరిగింది.