తిరుపతి, నవంబర్ 21: తిరుమల నుంచి తిరుపతికి వచ్చే మొదటి కనుమమార్గంలో 25వ మార్గం సమీపంలో ఉన్న అటవీ ప్రాంతంలోపల సోమవారం పెద్దఎత్తున మంటలు చెలరేగాయి. తిరుమల నుంచి వాహనాలలో తిరుపతికి వస్తున్న భక్తులు ఈ మంటలను గుర్తించి అలిపిరి టోల్‌గేట్ వద్ద భద్రతా సిబ్బందికి తెలియజేశారు. వారు వెంటనే అటవీశాఖ, అగ్నిమాపక సిబ్బందికి సమాచారం అందించారు.

మదనపల్లె, నవంబర్ 20: గ్రామాధికారుల పాలన రద్దు చేయడంతో బ్రాహ్మణులు వెనుకబాటుతనంలో నిలిచిపోయారని ఆంధ్రప్రదేశ్ బ్రాహ్మణ సంక్షేమ కార్పొరేషన్ ఛైర్మన్ ఐవైఆర్ కృష్ణారావు పేర్కొన్నారు. బ్రాహ్మణోత్తముల సహకారంతో ఏర్పాటైన రాష్ట్ర బ్రాహ్మణ సంక్షేమ కార్పొరేషన్ ద్వారా కల్పిస్తున్న బ్రాహ్మణ సంక్షేమ పథకాలపై అవగాహన సదస్సు ఆదివారం చిత్తూరుజిల్లా మదనపల్లె పట్టణంలో నిర్వహించారు.

విశాఖపట్నం, నవంబర్ 20: అంతరిక్షంలో ప్రైవేట్ సంస్థలను అనుమతించడం, ప్రభుత్వ, ప్రైవేటు భాగస్వామ్యంలో అంతరిక్ష కార్యకలాపాలు చేపట్టే సందర్భంలో వాటిని చట్టపరిధిలోకి తీసుకురావాల్సిన అవసరం ఎంతైనా ఉందని ప్రముఖ న్యాయ కోవిదుడు, ఎపి ఎలక్ట్రిసిటీ రెగ్యులేటరీ కమిషన్ చైర్మన్ జస్టిస్ జి.్భవానీ ప్రసాద్ అభిప్రాయపడ్డారు.

విజయవాడ, నవంబర్ 20 : పెద్ద నోట్ల రద్దు నేపథ్యంలో నెలకొన్న సంక్షోభం నుంచి ప్రజలకు ఉపశమనం కలిగించడమే బ్యాంకర్లు, అధికారుల ముందున్న తక్షణ కర్తవ్యమని ముఖ్యమంత్రి చంద్రబాబు స్పష్టం చేశారు. నోట్ల మార్పిడిలో ప్రజలు ఎదుర్కొంటున్న ఇబ్బందులపై ఆదివారం ఉండవల్లిలోని తన నివాసం నుంచి ఆయన టెలికాన్ఫరెన్స్ నిర్వహించారు.