ఏలూరు/ఒంగోలు , సెప్టెంబర్ 26: అప్పులోళ్ల బాధలు భరించలేక కలెక్టరేట్‌ల వద్ద ఇద్దరు వ్యక్తులు ఆత్మహత్యాయత్నం చేశారు. సోమవారం పశ్చిమ గోదావరి జిల్లా ఏలూరు, ప్రకాశం జిల్లా ఒంగోలులో ఈ సంఘటనలు చోటుచేసుకున్నాయ. ఏలూరు కలెక్టరేట్‌లో సోమవారం ఒక వ్యక్తి చెదల నివారణకు ఉపయోగించే మందు తాగి ఆత్మహత్యాయత్నానికి ఒడిగట్టాడు. అతడిని హుటాహుటిన స్థానిక ప్రభుత్వాసుపత్రికి తరలించగా, కోలుకుంటున్నాడు.

గుంటూరు, సెప్టెంబర్ 26: ‘నాది సుదీర్ఘ రాజకీయ జీవితం. నాలుగు దశాబ్దాల కాలంలో నిప్పులా బతికాను. నీతి నిజాయతీగా ఉన్నా. వ్యాపార లావాదేవీల్లో ఎలాంటి అక్రమాలకు తావివ్వద్దని స్వయానా కుటుంబ సభ్యులకే చెప్పా. నా అనుభవం అంత వయసులేని వాళ్లు అపనిందలు వేస్తున్నారు. ప్రజల కోసం అన్నీ సహిస్తున్నా. నా జీవితంలో భయమంటే ఏమిటో తెలియదు’.. అని ముఖ్యమంత్రి చంద్రబాబు నాయుడు స్పష్టం చేశారు.

బత్తలపల్లి, సెప్టెంబర్ 26: పాఠశాల తరగతి గది పైకప్పు పెచ్చులూడి తలపై పడడంతో విద్యార్థిని తీవ్రంగా గాయపడింది. ఈ సంఘటన అనంతపురం జిల్లా బత్తలపల్లిలో సోమవారం జరిగింది. వివరాలు ఇలా ఉన్నయి. బత్తలపల్లి బాలికల ఉన్నత పాఠశాల 8వ తరగతి గదిలో విద్యార్థినులు త్రైమాసిక పరీక్షలు రాస్తుండగా ఒక్కసారిగా గది పైకప్పు పెచ్చులూడి పడ్డాయి.

విశాఖపట్నం, సెప్టెంబర్ 26: విధర్భ నుంచి చత్తీస్‌గడ్ పరిసరాలను ఆనుకుని ఏర్పడిన అల్పపీడనం సోమవారం కూడా కొనసాగుతోంది. దీనికి తోడు విదర్భ నుంచి దక్షిణ తమిళనాడు వరకూ కోస్తాంధ్ర మీదుగా అల్పపీడన ద్రోణి కొనసాగుతోంది. వీటి ప్రభావంతో రానున్న 24 గంటల్లో కోస్తాంధ్రలో చాలా చోట్ల వర్షాలు కురుస్తాయి. ఇదే సమయంలో ఒకటి, రెండు చోట్ల భారీ వర్షం నమోదయ్యే అవకాశం ఉందని తుపాను హెచ్చరికల కేంద్రం అధికారులు తెలిపారు.