రాజమహేంద్రవరం, సెప్టెంబర్ 27: గోదావరి పుష్కరాల తొలిరోజున రాజమహేంద్రవరం పుష్కరాలరేవులో జరిగిన తొక్కిసలాటపై విచారణ ఇంకా పూర్తికాలేదు. తొక్కిసలాట జరిగి ఏడాదికి పైగా గడిచింది. తొక్కిసలాటకు బాధ్యులను తేల్చేందుకు ఏర్పాటు చేసిన జస్టిస్ సోమయాజులు ఏకసభ్య కమిషన్‌ను ఏర్పాటుచేసి ఈ నెల 29వ తేదీకి ఏడాది కావస్తోంది. అయితే ఇప్పటివరకు కమిషన్ విచారణ ఒక కొలిక్కిరాలేదు.

విజయవాడ, సెప్టెంబర్ 27: ఎగువన కురుస్తున్న భారీ వర్షాల కారణంగా కొద్ది రోజులుగా ప్రకాశం బ్యారేజీకి పోటెత్తుతున్న వరద ప్రభావం ప్రస్తుతం తగ్గినట్టే తగ్గుతూ మళ్లీ పెరిగే ప్రమాదం కనిపిస్తోంది. మంగళవారం రాత్రి పులిచింతల గేట్లను తెరచి 30 వేల క్యూసెక్కుల నీటిని దిగువకు వదులుతున్నారు. బుధవారం సాయంత్రానికి ఈ నీరు బ్యారేజీకి చేరనుంది.

విశాఖపట్నం, సెప్టెంబర్ 27: విధర్భ నుంచి దక్షిణ తమిళనాడు వరకూ దక్షిణ కోస్తాంధ్ర, తెలంగాణల మీదుగా అల్పపీడన ద్రోణి కొనసాగుతోంది. విదర్భ, చత్తీస్‌గడ్‌లను ఆనుకుని ఏర్పడిన అల్పపీడనం బలహీనపడిందని విశాఖలోని తుపాను హెచ్చరికల కేంద్రం అధికారులు మంగళవారం రాత్రి తెలిపారు. ద్రోణి ప్రభావంతో రానున్న 24 గంటల్లో ఉత్తర కోస్తాలో చాలా చోట్ల వర్షం కురుస్తుంది. ఒకటి, రెండు చోట్ల భారీ వర్షం కురియవచ్చు.

న్యూఢిల్లీ, సెప్టెంబరు 27:ఏపీ రాజధాని అమరావతిలో తాత్కాలిక సచివాలయం నిర్మాణానికి పర్యావరణ అనుమతులను సవాల్ చేస్తూ నేషనల్ గ్రీన్ ట్రిబ్యునల్ దాఖలు చేసిన పిటిషన్ విచారణను అక్టోబరు 31కి వాయిదా వేసింది. మాజీ ఐఎఎస్ అధికారి ఇఏఏస్ శర్మ దాఖలు చేసిన పిటిషన్ మంగళవారం విచారణకు వచ్చింది. పర్యావరణ అనుమతులకు సంబంధించిన వివరాలను ట్రిబ్యునల్‌కు సమర్పించేందుకు సమయం కావాలని ట్రిబ్యునల్ కోరారు.